ەنەرگەتيكا ءمينيسترى بولات اقشولاقوۆ الداعى ەكى جىلدا ءىرى كەن ورىندارىن كەڭەيتۋ ەسەبىنەن جانە جاڭا شاعىن كەن ورىندارىن پايدالانۋعا بەرۋ ارقىلى ەلدە مۇناي ءوندىرىسى ۇلعاياتىنىن ءمالىم ەتتى، دەپ حابارلايدى Almaty-akshamy.kz
«ءبىز كقك بۇگىنگى تاڭدا قازاقستاندىق مۇنايدى تيەپ-جونەلتۋدىڭ، ەكسپورتتىڭ ەكونوميكالىق تۇرعىدان رەنتابەلدى باعىتى ەكەنىن ءاردايىم ايتامىز، تيىسىنشە، مۇنداعى نەگىزگى مىندەت - قازاقستاندىق مۇناي ەكسپورتىن وتكىزۋدىڭ تۇراقتى ارناسىنا يە بولۋ ءۇشىن وسى باعىتتىڭ ۇزدىكسىز جۇمىسىن ساقتاۋ. بالاما تۋرالى ءسوز قوزعاعاندا، بۇل جەردە مىناداي ماسەلەگە دەن قويۋ قاجەت: ءبىز تاياۋداعى ەكى جىلدا ءوزىمىزدىڭ ءىرى كەن ورىندارىمىزدى كەڭەيتۋ، جاڭالارىن ىزدەۋ، جاڭا شاعىن كەن ورىندارىن پايدالانۋعا بەرۋ ەسەبىنەن مۇناي ءوندىرۋدى ۇلعايتۋدى كوزدەپ وتىرمىز»، - دەدى مينيستر.
ونىڭ سوزىنە سۇيەنسەك، ۆەدومستۆو الداعى ەكى جىلدا مۇناي ءوندىرىسىن 85،7 ملن توننادان 103-107 ملن تونناعا دەيىن ۇلعايتۋدى جوسپارلاپ وتىر.
«تيىسىنشە، بۇل بۇگىندە ەكسپورتقا تيەپ جاتقان كولەمدەر. ارينە، مۇنداي جاعدايدا ءبىز وسى كولەمنىڭ قالاي جەتكىزىلەتىنى تۋرالى ويلانۋىمىز كەرەك. وسى تۇرعىدان العاندا، ءبىز باسقا بالاما باعىتتاردى دا مىندەتتى تۇردە قاراستىرامىز»، - دەپ قوستى ۆەدومستۆو باسشىسى.
مينيستر ارتىلعان مۇنايدى جۇڭگو نەمەسە كاسپيي تەڭىزى ارقىلى تاسىمالداۋ مۇمكىندىگى قاراستىرىلىپ جاتقانىن ءسوز ەتتى.