بۇل ۇكىمدى استانا سوتى شىعاردى.
ق ر قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى مارات شايحۋتدينوۆكە قاتىستى سوت ۇكىمى شىقتى، دەپ حابارلايدى Almaty-akshamy.kz.
ۇلتتىق قاۋىپسىزدىك كوميتەتى باسپا ءسوز قىزمەتىنىڭ حابارلاۋىنشا، مەملەكەتتىك قۇپيالاردى جاريا ەتۋ، تىڭشىلىق جانە مەملەكەتكە وپاسىزدىق فاكتىلەرى بويىنشا قىلمىستىق ىستەردى تەرگەۋ جۇمىستارى اياقتادى.
«2022 جىلعى 21 قىركۇيەكتە استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى مارات ءشايحۋتدينوۆتى (قاۋىپسىزدىك كەڭەسى حاتشىسىنىڭ بۇرىنعى ءبىرىنشى ورىنباسارى) ق ر قىلمىستىق كودەكسىنىڭ 185-بابى 3-بولىگى بويىنشا كىنالى دەپ تاۋىپ، ونى مەملەكەتتىك قىزمەتتە قىزمەت اتقارۋ قۇقىعىنان جانە 7 جىلعا باس بوستاندىعىنان ايىرۋعا ۇكىم شىعاردى»، - دەلىنگەن حابارلامادا.
قىلمىستىق ىسكە قاتىسى بار ل.سكاكوۆسكييدىڭ (قك-نىڭ 175-بابى 1-بولىگى – مەملەكەتكە وپاسىزدىق جاساۋ) جانە و.جداننىڭ (قك-نىڭ 176-بابى – تىڭشىلىق) كىناسى تولىق دالەلدەندى. ولار سايكەسىنشە 11 جىل 3 ايعا جانە 11 جىلعا باس بوستاندىقتارىنان ايىرىلدى.
ارنايى ءىس-شارالار كەشەنىنىڭ باسقا دا كەزەڭدەرىن ىسكە اسىرۋدى ەسكەرە وتىرىپ، شەت ەلدىك ارناۋلى قىزمەتتەردىڭ قاي ەلگە تيەسىلى ەكەنى جانە قىلمىستىق ىسكە قاتىسى بار ادامدار تۋرالى وزگە دەرەكتەر جاريا ەتۋگە جاتپايدى.