ۇلتتىق قاۋىپسىزدىك كوميتەتى حالىقارالىق ەسىرتكى ارناسىنىڭ جويىلعانىن مالىمدەدى، دەپ حابارلايدى Almaty-akshamy.kz
ۇقك مالىمەتىنشە، 2022 جىلعى 18 ناۋرىزدا ۇقك-نىڭ شىمكەنتتەگى دەپارتامەنتى قىزمەتكەرلەرى قازاقستانعا ەسىرتكىنىڭ ءىرى پارتياسىن جەتكىزۋگە قاتىسى بار دەگەن كۇدىكپەن س. دەگەن ازاماتتى ۇستاعان.
«پروسەسسۋالدىق ءىس-شارالار بارىسىندا زاڭسىز اينالىمنان 10 كەلىدەن اسا جوعارى ساپالى اۋعان گاشيشى الىندى. الىنعان ەسىرتكىنىڭ «قارا نارىقتاعى» الدىن الا قۇنى 50 ميلليون تەڭگەدەن اسادى»، - دەلىنگەن حابارلامادا.
سوتالدى تەرگەۋ ماتەريالى ق ر قك-نىڭ 297-بابى 3-بولىگى بويىنشا ستبت-عا تىركەلگەن.