150-دەن استام وپەراسيا جۇرگىزدى.
ەسىرتكىنىڭ زاڭسىز اينالىمىنا قارسى ءىس-شارالار جالعاسۋدا، دەپ حابارلايدى Almaty-akshamy.kz ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.
2023 جىلى ق ر ۇلتتىق قاۋىپسىزدىك كوميتەتى ەسىرتكىنىڭ زاڭسىز اينالىمىنا قارسى 150-دەن استام وپەراسيا جۇرگىزدى.
قورىتىندىعا سايكەس، 34 حالىقارالىق جانە 32 وڭىرلىك ەسىرتكى جەتكىزۋ ارنالارى جويىلدى. سونداي-اق، 36 جاسىرىن ەسىرتكى زەرتحانالارىنىڭ قىزمەتى بەيتاراپتاندىرىلدى.
زاڭسىز اينالىمنان 3،6 توننادان استام ەسىرتكى قۇرالدارى مەن پسيحوتروپتىق زاتتار، 21،5 توننا كوكنار سابانىنىڭ شيكىزاتى جانە سينتەتيكالىق ەسىرتكى جاساۋ ءۇشىن پايدالانىلاتىن 75 تونناعا جۋىق حيميالىق رەاگەنتتەر تاركىلەندى.
"قارا نارىقتا" الىنعان ەسىرتكىنىڭ قۇنى 20 ملرد تەڭگەدەن اسادى، ال كولەمى شامامەن 17 ملن ءبىر رەتتىك دوزانى قۇرايدى.
سونىمەن قاتار، "ءتيىستى قىلمىستار جاسادى" دەگەن كۇدىكپەن 101 ادام سوتتالدى. سونداي-اق، رەسپۋبليكانىڭ تاعى 169 ازاماتى مەن شەتەلدىكتەرگە قاتىستى سوتقا دەيىنگى تەرگەۋ جۇمىستارى جۇرگىزىلىپ جاتىر.
بۇدان بولەك، شەت مەملەكەتتەردىڭ قۇزىرەتتى ورگاندارىمەن قازاقستان ارقىلى ەسىرتكى اكەلۋ جانە ترانزيت ارنالارىنىڭ جولىن كەسۋ بويىنشا 32 بىرلەسكەن وپەراسيا جۇزەگە اسىرىلدى.