2024 جىلدىڭ 1ء-شى قاڭتارىنان سۋ شارۋاشىلىعى قىزمەتكەرلەرىنىڭ ءبىر بولىگىنىڭ ەڭبەكاقىسى ورتا ەسەپپەن 25%-عا ارتتى.
بۇل سۋ رەسۋرستارى جانە يرريگاسيا مينيسترلىگى ازىرلەگەن ءىس-شارالاردىڭ ناتيجەسىندە ىسكە استى، دەپ حابارلايدى Almaty-akshamy.kz
بۇدان بولەك، مينيسترلىك وتاندىق سۋ سالاسىنىڭ كادرلىق الەۋەتىن جاقسارتۋ ءۇشىن سۋ شارۋاشىلىعى ماماندارىن قايتا دايارلاۋدى جانە ولاردىڭ بىلىكتىلىگىن ارتتىرۋدى جوسپارلاپ وتىر.
«ەڭبەكاقىنى ارتتىرۋ - سۋ شارۋاشىلىعى سالاسىندا جۇمىس ىستەۋدى تارتىمدى ەتۋ قادامدارىنىڭ ءبىرى. ارينە، سالادا جۇرگەن مامانداردى ۇستاپ قالىپ قانا قويماي، ولاردى قاجەتتى دايىندىقپەن، زاماناۋي داعدىلارمەن جانە بىلىممەن قامتاماسىز ەتۋ قاجەت. مينيسترلىك بۇل باعىتتا بەلسەندى جۇمىس جۇرگىزىپ جاتىر»، - دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.