قىلمىستىق سحەمانى ۇيىمداستىرۋشى مەن ونىڭ جاقتاستارى ۇستالدى.
ۇلتتىق قاۋىپسىزدىك كوميتەتى ەسىرتكىمەن اينالىساتىن توپتاردىڭ قىلمىستىق جولمەن كەلگەن قارجىلارىن «تازارتۋ» ماقساتىندا قولداناتىن كريپتوالاڭدى انىقتاۋ جانە بەيتاراپتاندىرۋ بويىنشا العاشقى ارنايى وپەراسياسىن جۇرگىزدى، دەپ حابارلايدى Almaty-akshamy.kz
وپەراسيا 2022 جىلعى قاڭتاردا قازاقستان، وزبەكستان مەن رەسەيدىڭ «ەسىرتكى نارىعىن» پسيحوتروپتىق زاتتارمەن قامتاماسىز ەتىپ وتىرعان جاسىرىن ەسىرتكى لابوراتورياسىن جويۋدان باستالدى. زاڭسىز اينالىمنان ەسىرتكىنىڭ رەكوردتىق پارتياسى – 188 كەلى «مەفەدرون» الىندى.
ارنايى قىزمەت قىلمىستىق كاپيتالدى قازاقستاننان تىس شىعارۋ مەن ونى «تازارتۋ» سحەمالارىن انىقتاۋ بويىنشا شارالاردى قولعا الدى. اقشا اۋدارىمدارى قارجىلىق اينالىمدا قاجەتتى دەڭگەيدە ايقىندالماعان كريپتوۆاليۋتادا جۇرگىزىلگەنى قيىندىقتار تۋدىرعانىن اتاپ ءوتۋ قاجەت.
ۇقك قىلمىستىق تىزبەكتىڭ بارلىق قاتىسۋشىلارىن انىقتاۋ ارقىلى، «بيتكوينداردى» قولما-قول اقشا قىلاتىن كريپتواقشا ايىرباستاۋ ورنىن تاپتى. بۇل ۇيىم الماتىداعى ءارتۇرلى اقشا ايىرباستاۋ ورىندارىنىڭ قىزمەتكەرلەرى ارقىلى اقشانى قولما-قول بەرىپ وتىرعانى بەلگىلى بولدى.
مەملەكەت كىرىسىنە قىلمىستىق توپتاردىڭ ەسىرتكى ىس-ارەكەتىنەن تاپقان كريپتوۆاليۋتاداعى 68 ملن تەڭگە قارجىسى وتكىزىلدى.