قازىرگى كەزدە جەدەل-تەرگەۋ ءىس-شارالارى جالعاسىپ جاتىر
ق ر ۇلتتىق قاۋىپسىزدىك كوميتەتىنىڭ جەدەل قىزمەتكەرلەرى ارناۋلى ماقساتتاعى بولىمشەنى جۇمىلدىرا وتىرىپ، الماتى قالاسىندا قوعامعا ءقاۋىپتى ۇيىمداسقان قىلمىستىق توپ ارەكەتىنىڭ جولىن كەستى، دەپ حابارلايدى Almaty-akshamy.kz.
«ارنايى وپەراسيا بارىسىندا ۇقت 5 بەلسەندى مۇشەسى ۇستالىپ، ولاردان كالاشنيكوۆ اۆتوماتى، ماكاروۆ تاپانشاسى، جاۋىنگەرلىك گراناتا، تەگىس ۇڭعىلى «شولاق» مىلتىق جانە سينتەتيكالىق سيپاتتاعى ەسىرتكى زاتى تاركىلەندى»، - دەپ حابارلادى ق ر ۇقك باسپا ءسوز قىزمەتى.
توپ مۇشەلەرى دەنساۋلىققا اۋىر زيان كەلتىرۋ، اسا ءىرى كولەمدە ەسىرتكى زاتىن ساتۋ ماقساتىندا ساقتاۋ، قارۋ مەن ءوق-دارىنى زاڭسىز تاسىمالداۋ جانە ساقتاۋ قىلمىستارىن جاسادى دەگەن كۇدىككە ىلىنگەن، -دەپ جازدى Azattyq Ruhy.
«ءۇش كۇدىكتى تەرگەۋ سوتىنىڭ رۇقساتىمەن قاماۋعا الىنىپ، قالعاندارىنا قاتىستى قاجەتتى تەرگەۋ ءىس-قيمىلدارى جۇرگىزىلىپ جاتىر. قولدانىلعان شارالار الماتى قالاسىنىڭ قىلمىستىق احۋالىن جاقسارتۋعا جانە قىلمىستىق ورتانىڭ قوعامعا اسەرىن السىرەتۋگە باعىتتالعان»، - دەلىنگەن ۆەدومستۆو حابارلاماسىندا.
قازىرگى كەزدە جەدەل-تەرگەۋ ءىس-شارالارى جالعاسىپ جاتىر.
قىلمىستىق-پروسەسسۋالدىق كودەكستىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتۋگە جاتپايدى.
كونستيتۋسيانىڭ 77-بابى 3-تارماعى 1-تارماقشاسىنا جانە قىلمىستىق-پروسەسسۋالدىق كودەكستىڭ 19-بابى 1-بولىگىنە سايكەس ادامنىڭ كىنالى ەكەندىگى زاڭدى كۇشىنە ەنگەن سوت ۇكىمىمەن تانىلعانشا ول جاسالعان قىلمىسقا كىنالى ەمەس دەپ ەسەپتەلەدى.
