ەلىمىزدە ۇنعا دەگەن سۇرانىس جوعارى دەڭگەيدە قامتاماسىز ەتىلىپ وتىر.
ماۋسىم ايىنىڭ قورىتىندىسىنا سايكەس ۇن باعاسى ءبىر ايدا 2،8%-عا وسكەن، دەپ حابارلايدى Almaty-akshamy.kz ەnergyprom.kz-گە سىلتەمە جاساپ
وسى جىلدىڭ قاڭتار-مامىر ايلارىندا رەسپۋبليكامىزدا ءداندى داقىلداردان 1،4 ملن توننا ۇن وندىرىلگەن. بۇل 2021 جىلمەن سالىستىرعاندا 3،1%-عا ارتىق.
ۇندى وندىرەتىن كوشباسشى وڭىرلەردىڭ ۇشتىگىنە قوستاناي وبلىسى (481،8 مىڭ توننا، 10،4%-عا ارتىق)، سولتۇستىك قازاقستان وبلىسى (140،7 مىڭ توننا، 19،7%-عا از) جانە شىمكەنت قالاسى (119،7 مىڭ توننا، 16،8%-عا كەم) كىرەدى.
1،3 ملن توننا ۇساق تارتىلعان بيداي ۇنى شىعارىلعان. مۇنداعى ءوندىرىستىڭ جىلدىق ءوسىمى 3،5% قۇرايدى.
نان-توقاش ونىمدەرىن دايىنداۋ ءۇشىن 86،3 مىڭ توننا قوسپا، 4 مىڭ توننا ۇساق جانە ءىرى تارتىلعان وسىمدىك ۇنى، بيدايدان باسقا ءداندى داقىلداردان 2،7 مىڭ توننا ۇساق تارتىلعان ۇن وندىرىلگەن.
ەلىمىزدە ۇنعا دەگەن سۇرانىس جوعارى دەڭگەيدە قامتاماسىز ەتىلىپ وتىر. بيىلعى ءقاڭتار-ساۋىر ايلارىنداعى كورسەتكىش 99،1%-دى قۇرايدى.
يمپورت 2،1 ەسەگە وسكەن.
ەكسپورتقا 627،3 مىڭ توننا ۇن جىبەرىلدى. بۇل 2021 جىلمەن سالىستىرعاندا 34،6%-عا ارتىق. وسىلايشا بيىلعى قاڭتار–ساۋىردە ەكسپورت 79،2%-عا ارتىپ، اقشالاي ماندە 234،3 ملن. اقش دوللارىنا جەتتى.
ىشكى نارىقتاعى ساتۋ ءبىر جىلدا 461،6 مىڭ تونناعا دەيىن نەمەسە 18،1%-عا قىسقارعان.
وتاندىق ۇن وزبەكستان، تۇركمەنستان، تاجىكستان ەلدەرىنە كوپ جىبەرىلدى. ال، تمد-عا كىرمەيتىن ەلدەر ىشىندە ۇننىڭ نەگىزگى كولەمى اۋعانستانعا جونەلتىلدى.
جوعارى سۇرىپتى ۇننىڭ ەڭ جوعارى باعاسى – 390 تگ (شىمكەنت)، ەڭ تومەنگى باعاسى – 213 تگ (پاۆلودار). ال، ءبىرىنشى سۇرىپتى ۇندى قونايەۆ قالاسىنىڭ تۇرعىندارى 270 تەڭگەگە ساتىپ السا، پەتروپاۆل تۇرعىندارى وعان 145 تەڭگە جۇمسايدى.