وتىرىس بارىسىندا قاسىم-جومارت توقايەۆ ۇكىمەت مۇشەلەرى مەن وڭىرلەر اكىمدەرىنىڭ نازارىن حالىقتى الاڭداتقان ءبىرقاتار وزەكتى ماسەلەنى شەشۋ قاجەتتىگىنە اۋداردى.
پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى بەينەبايلانىس رەجيمىندە ءوتتى، دەپ حابارلايدى Almaty-akshamy.kz اقورداعا سىلتەمە جاساپ.
ءىس-شاراعا پرەمەر-مينيستر ءاليحان سمايىلوۆ، مەملەكەتتىك كەڭەسشى ەرلان قارين، پرەزيدەنت اكىمشىلىگىنىڭ باسشىلىعى، ۇكىمەت مۇشەلەرى، وبلىستاردىڭ، نۇر-سۇلتان، الماتى، شىمكەنت قالالارىنىڭ اكىمدەرى، ورتالىق مەملەكەتتىك ورگاندار مەن ۇلتتىق كومپانيالاردىڭ باسشىلارى قاتىستى.
مەملەكەت باسشىسى ەلىمىزدىڭ كۇردەلى گەوساياسي سىن-قاتەرلەرگە قاراماستان، ءبىرقالىپتى دامىپ كەلە جاتقانىن اتاپ ءوتتى. بيىلعى ءبىرىنشى جارتىجىلدىقتىڭ قورىتىندىسى بويىنشا ەكونوميكا 3،4 پايىزعا، ال ناقتى سەكتور 4،1 پايىزعا وسكەن. اسىرەسە، وڭدەۋ ونەركاسىبى سالاسىندا ايتارلىقتاي ىلگەرىلەۋ بار.
«ينفلياسيا ءبىر ورىندا تۇرعان جوق. ءقازىر بۇل كورسەتكىش 14،5 پايىزعا جەتىپ، 2015 جىلعى دەڭگەيدەن اسىپ ءتۇستى. ءبىرىنشى جارتىجىلدىقتا ەكونوميكامىز قالپىنا كەلدى. ءبىراق حالىقارالىق ينستيتۋتتار قازاقستاننىڭ ىشكى جالپى ءونىمى بيىل 2 پايىزعا عانا وسەدى دەپ بولجاپ وتىر. بۇعان دەيىن ولار ءوسىم 3،7 پايىز بولاتىنىن ايتقان ەدى. سوندىقتان ۇكىمەت ەل ەكونوميكاسىنىڭ ورنىقتى دامۋىن قامتاماسىز ەتۋگە ءتيىس. ەڭ باستىسى، ازاماتتاردىڭ ناقتى تابىسىن ارتتىرۋ قاجەت»، – دەدى پرەزيدەنت.
وتىرىس بارىسىندا قاسىم-جومارت توقايەۆ ۇكىمەت مۇشەلەرى مەن وڭىرلەر اكىمدەرىنىڭ نازارىن حالىقتى الاڭداتقان ءبىرقاتار وزەكتى ماسەلەنى شەشۋ قاجەتتىگىنە اۋداردى. پرەزيدەنت ينفلياسيانى جانە ازىق-تۇلىك تاۋارلارىنىڭ باعاسىن تۇراقتاندىرۋ، ازاماتتاردىڭ تابىسىن ارتتىرۋ جانە ادامي كاپيتالدى دامىتۋ، اقشا-نەسيە جانە سالىقتىق-بيۋدجەت ساياساتىن جەتىلدىرۋ، ەكونوميكانىڭ ناقتى سەكتورىنا قولداۋ كورسەتۋ، ەنەرگەتيكالىق قاۋىپسىزدىكتى قامتاماسىز ەتۋ، اۆتوجول ينفراقۇرىلىمىن دامىتۋ سياقتى ماسەلەلەر بويىنشا ناقتى مىندەتتەر جۇكتەدى.
مەملەكەت باسشىسى پرەمەر-مينيستر ءاليحان سمايىلوۆتىڭ جانە ۇلتتىق بانك ءتوراعاسى عالىمجان ءپىرماتوۆتىڭ باياندامالارىن تىڭداپ، ۇكىمەت جۇمىسىنىڭ ناتيجەسىنە ورتاشا باعا بەردى.
پرەزيدەنت مينيسترلەر مەن اكىمدەرگە، ۆەدومستۆولار مەن ۇلتتىق كومپانيالاردىڭ باسشىلارىنا جۇمىس قارقىنىن بارىنشا كۇشەيتىپ، جاڭا ادىستەر مەن تىڭ يدەيالاردى پايدالانۋ قاجەت ەكەنىن ايتتى. سونىمەن قاتار ولارعا ەلىمىزدىڭ الەۋمەتتىك-ەكونوميكالىق دامۋىنا قاتىستى ءبىرقاتار مىندەت جۇكتەدى.
جيىن بارىسىندا مەملەكەت باسشىسى پرەمەر-مينيستردىڭ ورىنباسارى – ساۋدا جانە ينتەگراسيا ءمينيسترى باقىت سۇلتانوۆقا، اۋىل شارۋاشىلىعى ءمينيسترى ەربول قاراشوكەيەۆكە، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆكە سوگىس جاريالادى، سونداي-اق سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسينگە ەسكەرتۋ جاسادى.