سۇلەيمەن دەميرەل ۋنيۆەرسيتەتىنە بومبا قويىلدى دەگەن حابار تۇسۋىنە بايلانىستى ستۋدەنتتەر سىرتقا شىعارىلدى. وقيعانىڭ ۆيدەوسى الەۋمەتتىك جەلىدە تارادى، دەپ حابارلايدى اlmaty-akshamy.kz.
سۇلەيمەن دەميرەل ۋنيۆەرسيتەتى اكىمشىلىگى وبلىستاعى بىرنەشە ۇيىمعا لاڭكەستىك ارەكەت ىقتيمالدىعى تۋرالى حابارلاما تۇسكەنىن ناقتىلادى.
«ءقازىر قۇقىق قورعاۋ ورگاندارى تەكسەرىس جۇرگىزىپ جاتقانىن، بارلىق قاۋىپسىزدىك شارالارى قابىلدانعانىن اتاپ وتكىمىز كەلەدى. بۇل شارا ءبىزدىڭ قاۋىمداستىقتىڭ بۇكىل مۇشەلەرىنىڭ قاۋىپسىزدىگىن قامتاماسىز ەتۋگە باعىتتالعان. ستۋدەنتتەرىمىزدىڭ، قىزمەتكەرلەرىمىزدىڭ جانە كەلۋشىلەرىمىزدىڭ قاۋىپسىزدىگى ءبىز ءۇشىن بارىنەن ماڭىزدى» دەپ حابارلادى جوو-نىڭ باسپا ءسوز قىزمەتى.
سونداي-اق ۋنيۆەرسيتەتتىڭ باسپا ءسوز قىزمەتى قازىرگى ۋاقىتتا ەشقانداي ءقاۋىپ جوق ەكەنىن ءسوز ەتتى.