«الماتى – ءبىزدىڭ ورتاق ءۇيىمىز» ناۋقانى 8 ساۋىردەن باستاپ ءبىر اي ىشىندە مەگاپوليستە وتەدى.
شارا جەتى كۇنگە سوزىلاتىن بىرنەشە كەزەڭنەن تۇرادى، دەپ حابارلايدى اlmaty-akshamy.kz.
ءبىرىنشى كەزەڭ – «ءبىزدىڭ قالا — ءبىزدىڭ كوشەلەر» باعىتى بويىنشا وتەدى. ول 14 ساۋىرگە دەيىن جالعاسادى. جوسپارلانعان جۇمىستار شەڭبەرىندە جولداردى ورتاشا جوندەۋ، قيراعان ۋچاسكەلەردى قالپىنا كەلتىرۋ، قاجەت بولعان جاعدايدا جيەكتەردى اۋىستىرۋ، ايالداما كەشەندەرىن تازالاۋ، جەرۇستى مەن جەراستى وتكەلدەرىن جۋۋ، توسەمدەردى قالپىنا كەلتىرۋ جانە تاعى باسقالار كوزدەلگەن.
ءبىلىم بەرۋ باعىتىنا ەرەكشە ءمان بەرىلەدى. كەڭ اۋقىمدى اكسيا اياسىندا ەكولوگيا تۋرالى ءفيلمنىڭ تەگىن كورسەتىلىمى، قوقىس سۇرىپتاۋ كەشەنىنە «قوقىستى دۇرىس سۇرىپتا» تۋرى، وقۋشىلار اراسىندا پىكىرتالاس، سونداي-اق قالانىڭ ەكولوگيالىق ماسەلەلەرىن شەشۋگە باعىتتالعان ستارتاپ-جوبالار بايقاۋى وتەدى.
كوكتەمگى جاڭارتۋعا بارشا بەي-جاي قارامايتىن قالا تۇرعىندارى قاتىسا الادى. ولار ءوز اۋلالارى مەن ىرگەلەس اۋماقتاردى رەتكە كەلتىرەدى. سوندىقتان ەكىنشى كەزەڭ "ءبىزدىڭ قالا – ءبىزدىڭ اۋلا، ءبىزدىڭ ءۇي" دەپ اتالۋى كەزدەيسوق ەمەس. قالا تۇرعىندارى 20 ساۋىردە جوسپارلانعان سەنبىلىك-اعاش وتىرعىزۋعا، قورشاۋلار مەن ورىندىقتاردى بوياۋعا بەلسەندى قاتىسۋ ارقىلى وزدەرىنىڭ ازاماتتىق جاۋاپكەرشىلىگىن كورسەتە الادى. مەگاپوليستە العاش رەت "قوقىستى ءبىر ستاقان كوفەگە ايىرباستاۋ" اكسياسى وتەدى. سونداي-اق، "ۇزدىك اۋلا"، "ۇزدىك اۋلا سىپىرۋشى" جانە "كوممۋنالدىق قىزمەتتىڭ ۇزدىك قىزمەتكەرى" بايقاۋلارىن وتكىزۋ جوسپارلانعان.
ناۋقاننىڭ كەلەسى كەزەڭى – "ءبىزدىڭ قالا – ءبىزدىڭ تاۋلار، وزەندەر مەن كولدەر" - جاعالاۋلار مەن سۋ ايدىندارىن، ساياباقتاردى، سكۆەرلەر مەن تاۋ بوكتەرىن تازارتۋعا باعىتتالعان.
جوبانىڭ قورىتىندى سوڭعى اككوردى قالالىق سەنبىلىكتەر، كوشەتتەر مەن گۇلدەر وتىرعىزۋ، "تازالىق جانە دەنساۋلىق كۇنى" مارافونى، تانىمدىق ەكسكۋرسيالار، سونداي-اق سۋبۇرقاقتار كۇنىن قامتيتىن "ءبىزدىڭ قالا — ءبىزدىڭ ماقتانىشىمىز" اكسياسى بولادى.
قالانى ەڭ تازا ءارى جايلى ەتۋگە دەگەن ۇمتىلىس ءار تۇرعىننىڭ بورىشى. بىرلەسە اتقارعان جۇمىس ءاردايىم جەڭىل. باستاماعا كاسىپكەرلەر، مادەنيەت پەن سپورت جۇلدىزدارى، سونداي-اق قوعام قايراتكەرلەرى قولداۋ ءبىلدىردى.
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانىڭ دامۋى مەن اباتتاندىرىلۋىنا ءوز ۇلەسىن قوسا الادى.
بارلىق اقپارات almaty.kz سايتىندا، الماتى اكىمدىگىنىڭ الەۋمەتتىك جەلىلەرىندە ورنالاسقان. سونداي-اق، ۆەب-سايتقا ارنايى QR-كود ارقىلى قالا بويىنشا ورنالاستىرىلعان باننەرلەردە، پلاكاتتاردا جانە افيشالاردا كىرۋگە بولادى.