ءۇندىستاننىڭ جوعارعى سوتى جەزوكشەلىكتى كاسىپ دەپ تانىدى

ەلدە بۇل سالادا شامامەن 2 ميلليون ايەل جۇمىس ىستەيدى

جوعارعى سوت سەكس-يندۋستريا جۇمىسشىلارى قاماۋعا الىنباۋى، جازالانباۋى جانە قۋدالاۋعا جاتپاۋى كەرەك، ويتكەنى مۇنداي قىزمەت زاڭدى دەپ قاۋلى شىعاردى، دەپ حابارلايدى Almaty-akshamy.kz Zakon.kz-كە سىلتەمە جاساپ.

ەندىگىدەن باستاپ بۇل جۇمىسشى تابىنا جاتاتىندار قۇقىعى كونستيتۋسيا شەڭبەرىندە قورعالىپ، باسقا دا قۇقىقتارعا يە بولا الادى، دەپ جازدى Asian Age جەرگىلىكتى باسىلىمى.

جوعارعى سوت سەكس-يندۋستريا جۇمىسشىلارى قاماۋعا الىنباۋى، جازالانباۋى جانە قۋدالاۋعا جاتپاۋى كەرەك، ويتكەنى مۇنداي قىزمەت زاڭدى دەپ قاۋلى شىعاردى.

باسىلىم اتاپ وتكەندەي، قاۋلى ەڭ الدىمەن پوليسياعا باعىتتالعان، وعان سايكەس سوت قۇقىق قورعاۋ سالاسىنا سەكس-يندۋستريا جۇمىسشىلارى مەن ولاردىڭ بالالارىنا قاتىستى قاتىگەزدىك پەن زورلىق-زومبىلىقتان اۋلاق بولۋ مىندەتىن جۇكتەيدى. سونداي-اق سوت ب ا ق سالاسىن ازاماتتاردىڭ وسى ساناتىنىڭ قۇپيالىلىعىن قامتاماسىز ەتۋگە جانە ولاردىڭ اتى-جوندەرىن جاريا ەتپەۋگە مىندەتتەدى.

ءۇندىستاندا جەزوكشەلىككە زاڭمەن رۇقسات ەتىلگەن. ساراپشىلاردىڭ پىكىرىنشە، ەلدە بۇل سالادا شامامەن 2 ميلليون ايەل جۇمىس ىستەيدى.