«رەفەرەندۋم – اۋقىمدى جاڭا رەفورمالاردىڭ باستاۋى». وسىنداي اتاۋمەن الماتىدا اۋىل حالىقتىق دەموكراتيالىق پاتريوتتىق پارتياسى دوڭگەلەك ۇستەل وتىرىسىن وتكىزدى، دەپ حابارلايدى Almaty-akshamy.kz Almaty.tv-گە سىلتەمە جاساپ.
اگرارلىق عىلىم وكىلدەرى مەن ءماسليحات دەپۋتاتتارى رەفەرەندۋمدا ەنگىزىلەتىن تولىقتىرۋلاردى ەگجەي-تەگجەيلى ءتۇسىندىرىپ، جالپىحالىقتىق رەفەرەندۋمگە قاتىسۋدىڭ قانشالىقتى ماڭىزدى ەكەنىن جەتكىزدى.
«ق ر پرەزيدەنتى قاسىم-جومارت توقايەۆ وسى رەفەرەندۋم وتكىزۋ جونىندەگى جارلىعى جارىققا شىققاننان كەيىن، اۋىل حالىقتىق دەموكراتيالىق پارتياسى ءوزىنىڭ ساياسي كەڭەسىن وتكىزدى. رەفەرەندۋم ءبىزدىڭ قۇقىقىمىزدى پايدالانۋ ءۇشىن وتەدى. ال رەفەرەندۋمعا بارىپ قاتىسىپ، ازاماتتىق پارىزىمىز»، – دەدى «اۋىل» حدپ پارتياسىنىڭ ءتوراعاسى، ق ر پارلامەنتى سەناتىنىڭ دەپۋتاتى ءالي بەكتايەۆ.
«نەعۇرلىم ءوز ويىمىزدى بىلدىرە بىلسەك، سول كەزدە ءبىز تاۋەلسىز بولامىز. سول كەزدە ءبىز وزىمىزگە قۇقىمىزعا يەلەنەمىز. سول ءۇشىن حالقىمىزدى وسى رەفەرەندۋمعا شاقىرامىز»، – دەدى «اۋىل» حدپ پارتياسىنىڭ مۇشەسى، الماتى قالالىق ءماسليحات دەپۋتاتى قۋانىش تۇرابايەۆ.