ءۇندىستاننان كەلگەن دارىگەر «دەلتا» شتامىنىڭ قاتەرلى اسەرىن اتادى

دارىگەر قازاقستاندىقتاردى وتە ساق بولۋعا شاقىردى.

رەسەي، تمد جانە بالقان حالىقارالىق قاتىناستار جونىندەگى باستىعى، مەديسينا عىلىمدارىنىڭ دوكتورى ۆاني اكبەر «تەلەمەديسينا» باعدارلاماسىندا ءۇندى كوروناۆيرۋس شتامىنىڭ سالدارى تۋرالى ايتتى، دەپ حابارلايدى Almaty-akshamy.kz Almaty.tv cايتىنا سىلتەمە جاساپ. 

«دەلتادان» ەمدەلگەننەن كەيىن پوستكوۆيدتىق سيندروم قالادى - بۇل قان ۇيىعىشتارىنىڭ پايدا بولۋى، بۇل جۇرەكتىڭ يشەميالىق اۋرۋلارى، ميوكارد ينفاركتىسى، مي ءينسۋلتى. ەشقاشان قانت ديابەتى بولماعان كوپتەگەن ادامداردا وسى دەرت پايدا بولادى. 25-30 جاس ارالىعىنداعى جاستار ميوكارد ينفاركتىسى مەن مي ينسۋلتىنان زارداپ شەگۋى مۇمكىن.

«ءۇندىستاندا بۇكىل حالىق ءبىر ۋاقىتتا اۋىرعان كەزدە وتتەگى، دارى-دارمەكتەر مەن توسەك-ورىندار جەتىسپەدى. قۇدايعا شۇكىر، اۋرۋدىڭ قاتەرلى دەڭگەيىنەن وتتىك، ءقازىر بىزدە 50 مىڭ ادامنان انىقتالۋدا. بۇل وتە قيىن بولدى. ناۋقاستاردان باس تارتۋ وتە قيىن بولدى، ويتكەنى ءبىز ءوزىمىزدى ءالسىز سەزىندىك. دارىگەرلەردىڭ وزدەرى اۋىرىپ، قايتىس بولدى، بۇل ءقاۋىپتى ينفەكسيا كوپتەگەن ادامداردىڭ ءومىرىن قيدى. قازاقستاندا وتە ساق بولۋعا جانە العاشقى شارالاردى قابىلداۋعا كەڭەس بەرەمىن»، - دەدى ول.