ءۇندىستاندا ۇشاققا بەتپەردەسىز وتىرۋعا بولمايدى

ەلدىڭ 32 ايماعىندا اۋرۋحاناعا جاتقىزىلعاندار سانى ءوستى

ءۇندىستان بيلىگى بەتپەردەسىز جولاۋشىلاردى اۆيارەيستەردەن شىعارۋدى بۇيىردى. بۇل تۋرالى ازاماتتىق اۆياسيا باس باسقارماسى جاريالاعان قۇجاتتا ايتىلعان، دەپ حابارلايدى Almaty-akshamy.kz.

COVID-19 تارالۋىنا جول بەرمەۋ جونىندەگى ۆەدومستۆوارالىق كوسميسسياسىنىڭ مالىمەتتەرىنە قاراعاندا، ەگەر جولاۋشى ۇشۋ كەزىندە بىرنەشە رەت بەتپەردە كيۋدەن باس تارتۋ سياقتى COVID-19 كەزىندەگى ءتارتىپ (مىنەز-قۇلىق) حاتتامالارىن قايتا-قايتا بۇزسا، ولار «ءتارتىپسىز جولاۋشى» رەتىندە قاراستىرىلادى. ازاماتتىق اۆياسيا ورگانى مۇنداي جولاۋشىلارعا بەلگىلى ءبىر ۋاقىت ارالىعىندا ۇشۋعا تىيىم سالۋ قۇقىعىن بەرەدى.

COVID-19-بەن كۇرەس جونىندەگى جەدەل شتابى رەسەيدەگى كوروناۆيرۋس بويىنشا مالىمەتتەردى ۇسىندى. سوڭعى تاۋلىكتە ەلدە 1470 ناۋقاس ەمحاناعا جاتقىزىلدى.

ەلدىڭ 32 ايماعىندا اۋرۋحاناعا جاتقىزىلعاندار سانى ءوستى، جەتەۋى وزگەرىسسىز قالدى جانە رەسەي فەدەراسياسىنىڭ 46 سۋبەكتىسىندە تومەندەدى.

اۋرۋحاناعا جاتقىزىلعانداردىڭ جالپى سانى 9،2%-عا ازايدى. 4 297 ناۋقاس ىندەتتەن جازىلىپ شىقتى، بۇل 2022 جىلعى 8 ماۋسىمداعى كورسەتكىشتەن 9،3%-عا تومەن. اۋرۋدىڭ 3 774 جاڭا جاعدايى تىركەلدى، ءبىر تاۋلىكتە كوروناۆيرۋسپەن 77 ناۋقاس قايتىس بولدى.