الداعى كۇندەرى دە سۋ تاسقىنى ءجۇرۋى مۇمكىن.
ءۇندىستاننىڭ سولتۇستىك-شىعىس بولىگىندە سۋ تاسقىنى ءجۇرىپ، ونىڭ سالدارىنان زارداپ شەككەندەردىڭ سانى كەم دەگەندە 4 228 100 ادامعا جەتتى، دەپ حابارلايدى Almaty-akshamy.kz Inbusiness.kz سىلتەمە جاساپ.
CNN ارناسىنىڭ مالىمەتى بويىنشا، زارداپ شەككەندەردىڭ بارلىعى – اپات ايماعىندا ءومىر ءسۇرىپ جاتقان جەرگىلىكتى تۇرعىندار.
رەسمي دەرەك بويىنشا، 62 ادام قازا تاپتى. مال جايىلاتىن ورىستەر سۋدىڭ استىندا قالىپ، كولىك قاتىناسى توقتاپ قالدى. ءقازىر تابيعي اپاتتارعا قارسى كۇشتەر مەن جەرگىلىكتى اسكەريلەر سۋ تاسقىنى ءجۇرىپ جاتقان ايماقتاردا ىزدەستىرۋ-قۇتقارۋ جۇمىستارىن جۇرگىزىپ جاتىر.
اپاتتان زارداپ شەككەن ەلدى مەكەندەردىڭ اكىمشىلىكتەرى تۇرعىندارعا ۇيدەن شىقپاۋدى ۇسىندى. الداعى كۇندەرى دە سۋ تاسقىنى ءجۇرۋى مۇمكىن. ماماندار جاۋىن-شاشىن بولادى دەپ توپشىلاپ وتىر.