وقيعا سالدارىنان 8 ادام كوز جۇمدى.
ءۇندىستاننىڭ وڭتۇستىگىندەگى تاميلناد شتاتىندا پيروتەحنيكا فابريكالارىنىڭ بىرىندە جارىلىس بولىپ، 8 ادام قازا تاپتى. 16 ادام اۋىر جاراقات الدى، دەپ حابارلايدى اlmaty-akshamy.kz سينحۋا-عا سىلتەمە جاساپ.
سينحۋا اگەنتتىگىنىڭ مالىمەتىنشە، وقيعا تاميلناد ولكەسىنە قاراستى كانچيپۋرام ايماعىنىڭ كۋرۋۆيمالاي اۋدانىندا ورىن العان. فابريكادا فەيەرۆەرك دايىنداۋ ءۇشىن قولدانىلاتىن شيكىزات كەنەتتەن تۇتانىپ، جارىلىس بولعان.
«بۇگىن كۋرۋۆيمالاي اۋدانىنداعى پيروتەحنيكا فابريكاسىندا جارىلىس بولدى. وقيعا سالدارىنان سول جەردە 5 ادام كوز جۇمدى. تاعى 3 ادام العان جاراقاتىنان اۋرۋحانادا قايتىس بولدى»، - دەدى كانچيپۋرام ايماعى باسشىسىنىڭ وكىلى.
شەنەۋنىكتەردىڭ اتاپ وتىنشە، زارداپ شەككەن 13 ادام كانچيپۋرامداعى مەملەكەتتىك اۋرۋحاناعا جاتقىزىلعان. تاعى ءۇش ادام چەنناي اۋرۋحاناسىنا جەتكىزىلگەن.
پوليسيا قىزمەتكەرلەرىنىڭ دەرەگىنشە، فابريكانىڭ قيراعان عيماراتىندا قۇتقارۋ وپەراسياسى جۇرگىزىلۋدە. جارىلىس بولعاندا كەزدە كاسىپورىندا 25-تەن استام ادام جۇمىس ىستەپ جاتقان.