ناۋرىزكوجە دايىنداۋ بويىنشا رەكورد ورناتىلدى

ەكى توننادان استام ناۋرىزكوجە ازىرلەندى.

استانادا ناۋرىز مەرەكەسىنە وراي ازىرلەنگەن ۇلتتىق تاعام رەكورد ورناتتى، دەپ حابارلايدى اlmaty-akshamy.kz استانا اكىمدىگىنە سىلتەمە جاساپ.

استانادا رەكوردتى 2 100 ليتر كولەمىندە ناۋرىز كوجە دايىندالدى. قازاقستان رەكوردى ورناتىلعانىن كۋالاندىراتىن سەرتيفيكات استانا اكىمدىگىنە جانە بايقوڭىر اۋدانىنىڭ اكىمدىگىنە بەرىلدى.

ۇلتتىق ءدامدى دايىنداۋعا اسپازشىلار ءبىر كۇنىن ارناعان. وعان جۇزدەگەن كەلى بيداي، كۇرىش جانە ەت جۇمسالدى. كەيىن دايىن ءونىم اتاتۇرىك ساياباعىنا كەلگەن جۇرتشىلىققا ۇسىنىلدى.

«ەكى توننادان استام ناۋرىزكوجە — ءابسوليۋتتى رەكورد. بۇرىن بۇل كورسەتكىش تۇركىستاندىقتارعا تيەسىلى بولاتىن. ەكى جىل بۇرىن ولار 2 مىڭ ليتر ناۋرىزكوجە پىسىرگەن. بۇگىن بۇل رەكورد رەسمي تۇردە جاڭارتىلدى»،  دەدى گيننەس رەكوردتارىنىڭ قازاقستان وڭىرلىك كىتابىنىڭ رەسمي وكىلى قۋاندىق قۇدايبەرگەنوۆ.

اسپازشى گۇلنار جۇمابەكوۆانىڭ ايتۋىنشا، ناۋرىز كوجە كولەمى 60-تان 150 ليترگە دەيىنگى باس-اياعى 10 قازاندا دايىندالعان. ال وسىدان كەيىن ولار 95 ليتر بولاتىن 20 بيدونعا قۇيىلدى.