ءۇندىستان - ءتيىستى مەجەگە جەتكەن ەكىنشى مەملەكەت
قىركۇيەكتىڭ باسىندا جۇڭگو دا وسىنداي كورسەتكىشكە قول جەتكىزگەن. ايتا كەتەيىك، بيىل كوكتەمدە ءۇندىستانداعى ەپيداحۋال كۇرت ناشارلاپ كەتكەن ەدى. اۋرۋحانالاردا تىنىس الۋى قيىنداعان تالاي ناۋقاس وتتەگى بالوندارىنىڭ تاپشىلىعىنان كوز جۇمدى، دەپ حابارلايدى Almaty-akshamy.kz
تاۋلىكتىك ءوسىم 400 مىڭنان اسىپ كەتكەن كەزدەرى دە بولعان. ال ءقازىر بۇل كورسەتكىش شامامەن 15 مىڭعا دەيىن تومەندەگەن. ماماندار احۋالدىڭ جاقسارۋىن ۆاكسينالاۋ قارقىنىنىڭ ۇدەي تۇسۋىمەن بايلانىستىرادى.
«بيىل ءساۋىر مەن مامىر ايلارىندا ەلىمىزدەگى ەپيداحۋالدىڭ كۇردەلى بولعانى بارىنە ءمالىم. سوندىقتان 1 ميللياردتىق كورسەتكىشكە قول جەتكىزۋ - ءبىز ءۇشىن ۇلكەن جەتىستىك. كەيبىرەۋلەر سول كەزدەردى ۇمىتىپ، ەندى ونداي سۇمدىق قايتالانبايدى دەپ ويلاۋى مۇمكىن. الايدا جاعدايدىڭ اپ-ساتتە وزگەرۋى ىقتيمال. سوندىقتان ۆاكسينالاۋ كورسەتكىشتەرىن مۇمكىندىگىنشە ارتتىرا بەرۋىمىز كەرەك. كەيبىر ازاماتتار ەكپەنىڭ ءبىرىنشى كومپونەنتىن العاننان كەيىن ەكىنشىسىن سالدىرماي سوزىپ ءجۇرىپ الادى. بۇعان جول بەرمەۋىمىز كەرەك»، - دەيدى ءۇندىستان قوعامدىق دەنساۋلىق ساقتاۋ قورىنىڭ پرەزيدەنتى سرينات رەددي.