100-دەن استام ادام سۋعا ءتۇسىپ كەتتى
ءۇندىستاننىڭ گۋدجارات شتاتىندا اسپالى كوپىردىڭ قۇلاۋى سالدارىنان مەرت بولعاندار سانى 90-نان استى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ناقتى ايتقاندا قايعىلى جاعداي سالدارىنان 91 ادام مەرت بولدى. سونداي-اق 70 ادام جاراقات الىپ، كەيبىرى اۋرۋحاناعا جەتكىزىلدى.
كوپىر ونداعى ادامدار سانى 500-گە جەتكەندە قۇلاعان. 100-دەن استام ادام سۋعا ءتۇسىپ كەتتى، دەپ جازدى تاسس.
وقيعا ورنىندا قۇتقارۋ جۇمىستارى ءجۇرىپ جاتىر. الايدا ءتۇن بولعاندىقتان ىزدەۋ جۇمىستارىن جۇرگىزۋ قيىن بولىپ وتىر. بيلىك وكىلدەرى مەرت بولعاندار سانىنىڭ ارتۋى مۇمكىندىگىن جوققا شىعارمايدى.
«قۇربان بولعانداردىڭ كوپشىلىگى ايەلدەر مەن بالالار جانە قارت ادامدار».-دەدى وقيعا ورنىندا جۇرگەن تۇرعىن ءۇي قۇرىلىسى جانە اۋىلدىق اۋدانداردى دامىتۋ ءمينيسترى بريدجەش مەردجا.
وسىعان دەيىن اپات سالدارىنان 60 ادامنىڭ قۇربان بولعانىن جازدىق.