شۆەيساريا ەڭ ۇزىن جولاۋشىلار پويىزىمەن رەكورد ورناتتى

ەكسپەريمەنت ءساتتى ىسكە استى

شۆەيساريادا الەمدەگى ەڭ ۇزىن جولاۋشىلار پويىزى ءجۇرىپ، رەكورد ورناتىلدى، دەپ حابارلايدى Almaty-akshamy.kz قازاقپاراتقا  سىلتەمە جاساپ.

ۇزىندىعى 2 شاقىرىمدىق پويىز رەتيي تەمىرجولى بويىنداعى كورىكتى جەرلەردىڭ ءبىر بولىگىن، اتاپ ايتقاندا البۋل/بەرنين باعىتىمەن پرەدادان بەرگەنگە دەيىن ءجۇرىپ ءوتتى.

25 ۆاگوندار تىزبەگىن بىرىكتىرۋ ارقىلى رەتيي تەمىرجولىنىڭ باسشىلارى 175 جىلدىق مەرەيتويىن اتاپ ءوتۋدى ءارى الەمدىك رەكورد ورناتىپ، جەرگىلىكتى حالىق پەن شەتەلدىك تۋريستەردىڭ نازارىن اۋدارۋدى ءجون كورگەن. ەكسپەريمەنت ءساتتى ىسكە استى. ونىڭ باستى شارتى پويىزدى جۇرگىزگەن 6 ءماشينيستىڭ بىردەي ءىس-قيمىل جاساۋى بولدى.

«پاندەميا بولعان 2 جىلدا اينالىمنىڭ 30 پايىزىن جوعالتتىق. سوندىقتان، ءبىزدىڭ يۋنەسكو-نىڭ بۇكىلالەمدىك مۇرالارى تىزىمىنە ەنگىزىلگەن كەرەمەت باعىتىمىز تۋرالى ادامداردى حاباردار ەتۋدىڭ ۇتىمدى جولىن ىزدەستىردىك»، - دەيدى رەتيي تەمىرجولىنىڭ باس ديرەكتورى رەناتو فاشياتي.

پويىز ۇزىندىعى باعىت بويىنداعى ەڭ ۇزاق، دوعال توننەلدەن (لاندۆاسسەر، 680 مەتر) 3 ەسەدەي ارتىق بولعان. ۆاگوندار قۇرامىنىڭ وسى توننەلدەن وتكەن ءساتى كورەرمەندى قاتتى تاڭقالدىرعان.