ءۇندىستان بالالاردى ۆاكسينالاۋ ءۇشىن Bharat Biotech پرەپاراتىن ماقۇلدادى
ءۇندىستان بيلىگى Bharat Biotech كومپانياسىنىڭ Covaxin پرەپاراتىن شۇعىل تۇردە قولدانىسقا ەنگىزۋگە رۇقسات ەتتى، دەپ حابارلايدى Almaty-akshamy.kz
تاسس اگەنتتىگىنىڭ اقپاراتىنا سايكەس، بۇل ۆاكسينا 2-دەن 18 جاسقا دەيىنگى بالالارعا ەگىلەدى. بۇل تۋرالى India Today گازەتى حابارلاعان.
«ەگجەي-تەگجەيلى تالقىلاۋدان كەيىن ءپروفيلدى (بەيىندىك) كوميتەت ەكىدەن 18 جاسقا دەيىنگى جاس ارالىعىنداعى ازاماتتار توبىنىڭ ۆاكسيناسيالانۋى ءۇشىن پرەپاراتتى قولدانۋعا شۇعىل تۇردە رۇقسات ەتتى»، - دەپ كەلتىردى باسىلىم ءۇندىستاننىڭ بەيىندى كوميتەتىنىڭ مالىمدەمەسىنەن.
ءبىرىنشى جانە ەكىنشى ۆاكسيناسيا اراسىنداعى ارالىق 20 كۇندى قۇرايدى دەپ اتاپ ءوتىلدى.
ءۇندىستاننىڭ دەنساۋلىق ساقتاۋ جانە وتباسىلىق ءال-اۋقات مينيسترىلىگىنىڭ مالىمەتتەرى بويىنشا، پاندەميا كەزىندە بۇل ەلدە كوروناۆيرۋس جۇقتىرۋدىڭ 33،9 ملن جاعدايى تىركەلگەن، 450 مىڭنان استام ادام بۇل ىندەتتەن كوز جۇمسا، 33 ملن استام ناۋقاس ەمدەلىپ شىققان. ءۇندىستان حالقى - 1،3 ملرد ادامدى قۇرايدى.