ۋمري، نو بەگي: جاڭا مالىمەتتەر

ءبىر اپتا بۇرىن جاسوسپىرىمدەر وسىنداي ويىن ويلاپ تاۋىپتى دەپ جازعانبىز.

ولاي جازۋىمىزعا الەۋمەتتىك جەلىدە تاراعان حابارلاما سەبەپ بولدى. 

Almaty-akshamy.kz ءتىلشىسى ءىىم باسپا ءسوز قىزمەتىنە سۇراۋ سالۋ ارقىلى وقيعانىڭ قوستانايدا بولعانىن انىقتادى.

قوستاناي وبلىستىق پد الەۋمەتتىك جەلىدە بەينەجازبامەن قوسا جاريالانعان اقپارات شىندىققا جاناسپايتىنىن حابارلادى.

قوستاناي وبلىسىنىڭ پد باسپا ءسوز قىزمەتى بۇل جۇرگىزۋشىنىڭ باعدارشامنىڭ تىيىم سالۋ سيگنالىنا ءوتىپ كەتكەنىن ايعاقتايتىن ۆيدەو دەپ ۇسىندى. ال ۆيدەونىڭ قايدان الىنعانى تۋرالى اقپاراتتى تەرگەۋ ءجۇرىپ جاتقاندىقتان ايتپادى.

«جول-كولىك وقيعاسى 8 قازاندا رۋدنىي قالاسىندا  ورىن العان. «دەو نەكسيا» ماركالى اۆتوكولىكتىڭ جۇرگىزۋشىسى باعدارشامنىڭ تىيىم سالۋ سيگنالىنا ءوتىپ، كامەلەتكە تولماعان بالانى قاعىپ كەتكەن. وسى فاكت بويىنشا پوليسيا ق ر قك 345-بابىنىڭ 1-بولىگى بويىنشا «جول قوزعالىسى ەرەجەلەرىن بۇزۋ» بويىنشا سوتقا دەيىنگى تەرگەپ-تەكسەرۋدى باستادى. قوستاناي وبلىسىنىڭ پد اتا-انالاردى بالالاردى جول جاعدايىن باعدارلاي بىلۋگە ۇيرەتۋگە جانە بالانىڭ ساق بولۋ قاجەتتىلىگىن تاربيەلەۋگە شاقىرادى»، دەدى قوستاناي وبلىسىنىڭ پد باسپا ءسوز حاتشىسى كارينا بازاربايەۆا.