وبلىس اۋماعى 188 936،61 شارشى شاقىرىمدى قۇرادى.
قاراعاندى وبلىستىق ءماسليحاتىنداعى جيىندا جاڭا ۇلىتاۋ وبلىسىنىڭ شەكارالىق اۋماعى بەلگىلەندى، دەپ حابارلايدى Almaty-akshamy.kz Egemen.kz سىلتەمە جاساپ.
ءتيىستى شەشىمگە سايكەس، ۇلىتاۋ وبلىسىنىڭ اۋماعى 188 936،61 شارشى كم قۇرادى. جاڭا وڭىرگە وبلىستىق ماڭىزى بار ءۇش قالا - جەزقازعان، قاراجال جانە ساتبايەۆ، سونداي-اق ەكى اۋدان - جاڭاارقا جانە ۇلىتاۋ كىرەدى.
قاراعاندى وبلىسىنا قاراعاندى، بالقاش، ساران، تەمىرتاۋ، شاحتينسك جانە پريوزورسك قالالارى، سونداي-اق اباي، اقتوعاي، بۇقار جىراۋ، قارقارالى، نۇرا، وساكاروۆ جانە شەت سىندى جەتى اۋدان كىرەدى. ونىڭ اۋماعى 239 046،35 شارشى شاقىرىمدى قۇرادى.
ەستەرىڭىزگە سالا كەتەيىك، 16 ناۋرىزدا مەملەكەت باسشىسى قاسىم-جومارت توقايەۆ قازاقستان حالقىنا جولداۋىندا اباي، ۇلىتاۋ، جەتىسۋ وبلىستارىن قۇرۋدى ۇسىنعان بولاتىن.