ۇلىتاۋ وبلىسىندا جوعالعان ەكى قويشى سەگىز كۇننەن بەرى ىزدەستىرىلۋدە

ىزدەستىرۋ جۇمىستارى 8 تاۋلىك بويى جۇرگىزىلۋدە.

ۇلىتاۋ وبلىسىندا جوعالعان ەكى قويشى 8 كۇننەن بەرى تابىلماي جاتىر، دەپ حابارلايدى Almaty-akshamy.kz توتەنشە جاعدايلار مينيسترلىگىنە سىلتەمە جاساپ.

بۇگىن، 9 قاڭتاردا، ىزدەۋ جۇمىستارىنا تجم اۆياسياسى جۇمىلدىرىلدى. ىزدەستىرۋ جۇرگىزىلگەن باعىت - جەزقازعان قالاسى - «توبا» قىستاعى جانە «كىشى كيىك» قىستاعى - جەزقازعان قالاسى.

ىزدەستىرۋگە ۇلىتاۋ اۋدانى بويىنشا توتەنشە جاعدايلار دەپارتامەنتىنىڭ، پوليسيا دەپارتامەنتىنىڭ جانە جەرگىلىكتى اتقارۋشى ورگانداردىڭ كۇشتەرى مەن قۇرالدارى جۇمىلدىرىلدى.

ەسكە سالساق، «كىشى كيىك» قىستاۋىنىڭ 58 جاستاعى جۇمىسشىسى 31 جەلتوقسان كۇنى قىستاقتان بەلگىسىز باعىتتا شىعىپ كەتكەن بولاتىن. جوعالعانى تۋرالى 2 قاڭتاردا حابارلاندى. ىزدەستىرۋ جۇمىستارى 8 تاۋلىك بويى جۇرگىزىلۋدە.

سونداي-اق 3 قاڭتار كۇنى كەشكە «توبا» قىستاعىنىڭ يەسى - 44 جاستاعى قويشى مال ىزدەۋگە شىعىپ، ورالماعانى تۋرالى حابارلاعان.

«ەكى ادامدى ىزدەۋ جۇمىستارى جالعاسۋدا. تج دەپارتامەنتى قىس مەزگىلىندە قاۋىپسىزدىك ەرەجەلەرىن ساقتاۋ قاجەتتىگى تۋرالى ەسكەرتەدى. داۋىلدى ەسكەرتۋلەرگە نازار اۋدارىڭىز جانە اۋا رايى ناشارلاعان جاعدايدا ۇيدە بولىڭىز»، - دەدى ۆەدومستۆودان.

توتەنشە جاعداي كەزىندە قۇتقارۋ قىزمەتىنىڭ تاۋلىك بويعى 112 ءبىرىڭعاي نومىرىنە نەمەسە 101 نومىرىنە قوڭىراۋ شالۋعا بولادى.