ەنەرگەتيكا جانە قارجى سالاسىندا تاجىريبەسى بار ۇلىبريتانيا ازاماتى سەرتاچ يەنەر Neo Nomad ۆيزاسىن العاشقىلاردىڭ ءبىرى بولىپ الدى. ول قازاقستاننىڭ مادەنيەتى، تابيعاتى جانە تاعامدارىمەن جاقىنىراق تانىسۋدى جوسپارلاپ وتىر، دەپ حابارلايدى aqshamnews.kz.
سەرتاچ يەنەردىڭ قىزى چيكاگو ۋنيۆەرسيتەتىندە «قازاق ءتىلى جانە ورتالىق ازيا زەرتتەۋلەرى» ماماندىعى بويىنشا ءبىلىم العان. سوندىقتان ول قازاق ءتىلىن بۇرىننان جاقسى بىلەدى. Neo Nomad Visa ۆيزاسى العاش رەت قازاقستاننىڭ ءباا ەلشىلىگىندە بەرىلدى. ۆيزانى العان سەرتاچ يەنەر جۋىردا قازاقستانعا كەلۋدى جوسپارلاپ وتىر. ول بۇرىننان قازاقستاننىڭ تابيعاتى، ءداستۇرى، مۋزىكاسى جانە اسحاناسىمەن تانىسۋدى ارمانداعان.
«قازاقستان – كەرەمەت ەل! Neo Nomad ۆيزاسى بىزگە قازاقستاندا ءبىر جىلعا دەيىن بولۋعا مۇمكىندىك بەرەدى. بۇل ۆيزا مەنىڭ شەتەلدەگى جۇمىسىمدى قاشىقتان جالعاستىرىپ، قازاقستاندى تەرەڭىرەك تانىپ-بىلۋگە جول اشادى»، – دەدى ول.
سەرتاچ يەنەر – ەنەرگەتيكا سالاسىنىڭ مامانى. قازىرگى تاڭدا ول اقش-تا تازا ەنەرگيا جوباسىن ازىرلەۋمەن اينالىسادى. ايتا كەتەيىك، Neo Nomad ۆيزا باعدارلاماسى مەملەكەت باسشىسىنىڭ تاپسىرماسى بويىنشا تۋريزم جانە سپورت، سىرتقى ىستەر، سيفرلىق دامۋ، ىشكى ىستەر مينيسترلىكتەرىنىڭ جانە Kazakh Tourism ۇلتتىق كومپانياسىنىڭ قاتىسۋىمەن ەنگىزىلدى. بۇل ۆيزا شەتەلدىك تۋريستەرگە ءموبيلدى بولۋعا، وزدەرىنىڭ شەتەلدەگى كومپانيالارىندا قاشىقتان جۇمىس ىستەۋگە جانە قازاقستاندا ءبىر جىلعا دەيىن تۇرۋعا مۇمكىندىك بەرەدى. جاڭا ۆ12-1 ۆيزاسىن الۋ ءۇشىن شەتەلدەگى قازاقستان ەلشىلىگىنە نەمەسە كونسۋلدىق مەكەمەلەرىنە جۇگىنۋ قاجەت.