انگليا ەلى ەگەمەندىگىمىز تۋرالى يگى ويلار بىلدىرۋدە
ۇلىبريتانيا پارلامەنتىنىڭ قاۋىمدار پالاتاسىنىڭ دەپۋتاتتارى ىرگەسى بەكىپ، نىعايعان، ەكونوميكالىق الەۋەتى ارتا تۇسكەن قازاق ەلىنىڭ جەتىستىكتەرىنە تىلەۋلەستىك ءبىلدىردى، دەپ حابارلايدى Almaty-akshamy.kz 24.kz-كە سىلتەمە جاساپ
وسى جيىن-تويدا تاۋەلسىزدىك تۋرالى كىتاپ تا كوپشىلىككە تانىستىرىلدى. 1991 جىلى ۇلى دالا ەلى تۋرالى ۇلىبريتانيادا كوپ ادام بىلە بەرمەيتىن.
ەل ەگەمەندىگىن العاننان كەيىن تۋرا ءبىر اي وتكەن سوڭ ەكى ەل اراسىندا ديپلوماتيالىق ارىپتەستىك ورناتىلدى.
بۇگىندە بىرىككەن كورولدىك - قازاقستان ەكونوميكاسىنىڭ ءىرى ينۆەستورلارىنىڭ ءبىرى. 30 جىل ىشىندە كوپتەگەن سالا بويىنشا ەكىجاقتى قارىم-قاتىناستار ورناتىلىپ، ءوزارا ىنتىماقتاستىق جاڭا ساپاعا كوتەرىلدى.
«قازاقستاننىڭ 30 جىل ىشىندە جەتكەن جەتىستىكتەرى تاڭ قالدىرادى. اياعىنا ەندى تۇرا باستاعان جىلدارى ۇلىبريتانيانىڭ وزىندە مۇنداي ىلگەرىلەۋشىلىكتەر بولدى دەپ ويلامايمىن. دەموكراتياcى ءمىنسىز مەملەكەتكە اينالۋىمىز ءۇشىن 800 جىل قاجەت بولدى. 1991 جىلى كەڭەس ۇكىمەتى ىدىراپ، قازاقستان ەگەمەندىگىن العاننان بەرى كۇرمەۋى قيىن ماسەلەلەردى شەشىپ كەلەدى. كەمبريدج ۋنيۆەرسيتەتى ءبىلىم بەرۋ يننوۆاسيالارى دەپارتامەنتىنىڭ ديرەكتورى پروفەسسور كوللين ماكلافلين 30 جىل كولەمىندە ەلىمىزدىڭ ءبىلىم جۇيەسىنىڭ دامۋىنا ۇلەس قوسىپ كەلە جاتقان بريتانيالىقتاردىڭ ءبىرى. الەمدىك پەداگوگيكادا مويىندالعان عالىم نازاربايەۆ زياتكەرلىك مەكتەبى سياقتى بىرەگەي جوباعا ءوزىنىڭ قاتىسى بار ەكەنىن ماقتان تۇتادى» ، - دەدى ۇلىبريتانيا پارلامەنتى قاۋىمدار پالاتاسىنىڭ دەپۋتاتى بوب ستيۋارت.
سونداي-اق، كەمبريدج ۋنيۆەرسيتەتىنىڭ پروفەسسورى كوللين ماكلافلين، ەگەمەندىگىمىز جايىندا پىكىرىن جەتكىزدى.
«نازاربايەۆ زياتكەرلىك مەكتەبى وزگەرىپ، دامىپ وتىردى. مەن ونى يننوۆاسيالىق-ەكسپەريمەنتالدى وقۋ ورنى دەپ تە اتايمىن. ءبىلىم بەرۋ باعدارلاماسى جەتىلدىرىلىپ، ونى ەل ىشىندەگى بۇكىل مەكتەپكە ەنگىزۋگە تىرىستى. بىرەگەي جۇمىس ناتيجە بەرىپ، ونىڭ پايداسىن بۇكىل حالىق كورىپ وتىر دەپ ويلايمىن. ءىس-شارا بارىسىندا «قازاقستاننىڭ 30 جىلى: ويانعان ۇلى دالا» اتتى كىتاپ كوپشىلىك نازارىنا ۇسىنىلدى. ول تاۋەلسىز قازاقستاننىڭ ءتۇرلى كەزەڭدەرىنە ارنالعان ەسسەلەر جيىنتىعىنان تۇرادى. ەلدىڭ تاريحى، ساياسي، ەكونوميكالىق جانە ءبىلىم سالاسىنداعى رەفورمالارى، ينۆەستيسيا، سىرتقى ساياساتتاعى جەتىستىكتەرى، مادەنيەت، تۋريزم – ءبارى قامتىلعان. جوباعا بەدەلدى بريتانيالىق، حالىقارالىق جانە قازاقستاندىق ساراپشىلار تارتىلدى. كىتاپ 2 مىڭ دانامەن باسىپ شىعارىلدى. سونداي-اق ونىڭ ونلاين نۇسقاسى قولجەتىمدى» ، - دەدى