الماتىلىق دارىگەرلەر ناۋقاستىڭ باس ميىنا كۇردەلى وتانى ءساتتى جۇرگىزدى

الماتىدا دارىگەرلەر ناۋقاستىڭ باس ميىنا جوعارى تەحنولوگيالىق وپەراسيا جاسادى

ورتالىق قالالىق كلينيكالىق اۋرۋحانانىڭ نيەۆرولوگيا قابىلداۋ بولىمشەسىنە مي قان اينالىمىنىڭ ءجىتى بۇزۋشىلىعى كۇدىگىمەن 1981 جىلى تۋعان پاسيەنت كەلىپ تۇسكەن.  وقكا باسپا ءسوز قىزمەتىنىڭ بەرگەن مالىمەتتەرىنە سۇيەنسەك، ناۋقاستى نەيروحيرۋرگ تەكسەرگەننەن كەيىن وعان انگيوگرافيا كت جۇرگىزىلگەن. تالداۋ ناتيجەلەرى بويىنشا، الدىڭعى قوسىلعان كۇرە تامىرىنىڭ ۇزىلگەن قاپتى انيەۆريزماسى انىقتالعان، دەپ حابارلايدى Almaty-akshamy.kz

نەيروحيرۋرگ-دارىگەر ەربول ماكەجانوۆ شۇعىل تۇردە جوعارى تەحنولوگيالىق وپەراسيا جاسادى. ياعني، قاپتى انيەۆريزمانىڭ اسسيستەنسيا باللونىمەن ەندوۆاسكۋليارلى ەمبوليزاسيا جاسالدى، ول ونىڭ قايتادان ءۇزىلۋىن بولدىرمايدى. اتالمىش وپەراسيا از ينۆازيۆتىك ەمدەۋ ادىسىندە نەگىزدەلگەن.  نەيروحيرۋرگ-دارىگەردىڭ ايتۋىنشا، ەندوۆاسكۋليارلى نەيروحيرۋرگيانىڭ زاماناۋي تەحنولوگيالارى بۇل وپەراسيالاردى باس سۇيەكتى تەسپەي جاساۋ مۇمكىندىگىن بەرەدى.

«جامباس كۇرە تامىرى ارقىلى بۇكىل اعزاسى بويىنشا ارنايى كاتەتەر سالىنىپ، انيەۆريزماعا ەنەمىز دە، وندا ارنايى سپيرالداردى ورناتامىز، سودان سوڭ انيەۆريزما قان اعىمىنان جانسىزدانىپ، وسىلايشا قان قۇيىلۋ ءقاۋپىنىڭ الدى الىنادى. مۇنداي جاعدايدا پاسيەنت جەدەل تۇردە حيرۋرگيالىق ارالاسۋدى قاجەت ەتكەن. وتا ءساتتى ءوتتى. پاسيەنت جانساقتاۋ بولىمشەسىندە ويانعاننان سوڭ بەلسەندى تۇردە شاعىمدانعان جوق، ال، بۇرىننان مازاسىن العان باس ساقيناسىنىڭ اۋرۋى تولىعىمەن جويىلىپ، 10-شى تاۋلىكتە پاسيەنت نيەۆرولوگيالىق بۇزىلۋسىز اۋرۋحانادان شىعارىلدى»، - دەدى ەربول ماكەجانوۆ.

ايتا كەتەتىنى، انيەۆريزمانىڭ ءۇزىلۋى باس ميىنا قان كەتۋ ارقىلى پاسيەنتتى قاتتى اسقىنۋعا، ونىڭ ىشىندە، گەمورروگيالىق ينسۋلتكە، جۇيكە جۇيەسىنىڭ زاقىمدانۋىنا نەمەسە ولىمگە دەيىن اپارادى.