بۇل جاعداي دارىگەرلەردىڭ الاڭداۋشىلىعىن تۋعىزىپ وتىر.
رەسمي مالىمەتتەرگە سايكەس انگليا مەن شوتلانديادا ءاربىر 24ء-شى ادام ۆيرۋستى جۇقتىرعان، دەپ حابارلايدى Almaty-akshamy.kz.
شامامەن 150 مىڭ ادام ۇيدەن تەست سىنامالارىن جاساپ، وسىنداي ناتيجە كورسەتىپ وتىر. ۆيرۋستىڭ جاس تالعامايتىنى انىقتالعان. ءبىراق ول 65 جاستان اسقان ادامداردان گورى 18 بەن 44 جاس ارالىعىنداعى تۇرعىنداردان كوبىرەك تابىلعان. دۇنيەجۇزىلىك دەنساۋلىق ساقتاۋ ۇيىمى بۇل ۆيرۋستى زەرتتەۋدى قاجەت ەتەتىن وميكروننىڭ جاڭا ءتۇرى دەپ، وعان JN.1 دەگەن اتاۋ بەردى. ونىڭ سولتۇستىك جانە وڭتۇستىك امەريكادا، تىنىق مۇحيتىنىڭ باتىس بولىگىندە جانە ەۋروپا ەلدەرىندە كەڭىنەن تاراعانى بەلگىلى بولىپ وتىر.
قازىرگى تاڭدا JN.1 اسا ءقاۋىپتى ەكەندىگىن دالەلدەيتىن ازىرگە زەرتتەۋ ناتيجەلەرى جوق. كوۆيدكە قارسى ۆاكسينالاردىڭ جاڭارتىلعان تۇرلەرى ادام اعزاسىنىڭ يممۋنيتەتىن كۇشەيتەدى دەيدى ماماندار. ءبىراق دۇنيەجۇزىلىك دەنساۋلىق ساقتاۋ ۇيىمىنداعىلار ناۋقاستار سانىنىڭ ارتۋى مۇمكىن ەكەندىگىن جوققا شىعارمايدى.