وتىرىس بارىسىندا ديرەكتورلار كەڭەسىنىڭ مۇشەلەرى مەن شاقىرىلعان ادامدار ازاماتتىق قورعاۋ ورگاندارى سالاسىنداعى قۇتقارۋ جۇمىستارىن جەدەل ورىنداۋ ءۇشىن اۆياسيا سالاسىن دامىتۋ پەرسپەكتيۆالارىن تالقىلادى، دەپ حابارلايدى اlmaty-akshamy.kz.
توتەنشە جاعدايلار ءمينيسترى سىرىم ءشارىپحانوۆتىڭ، توتەنشە جاعدايلار ۆيسە-مينيسترى باۋىرجان سىزدىقوۆتىڭ، ۇكىمەت اپپاراتى وكىلدەرىنىڭ، قازاۆياقۇتقارۋ باس ديرەكتورى داۋلەت مامەكوۆتىڭ، تاۋەلسىز ديرەكتورلاردىڭ، ىشكى اۋديت جانە سىبايلاس جەمقورلىققا قارسى كومپلاەنس قىزمەتىنىڭ وكىلدەرىنىڭ، ۇشۋ قاۋىپسىزدىك بويىنشا اۋديتورلاردىڭ، وندىرىستىك بولىمشەلەردىڭ باسشىلاردىڭ قاتىسۋىمەن ق ر تجم «قازاۆياقۇتقارۋ» اق ديرەكتورلار كەڭەسىنىڭ ونىنشى كەزەكتى وتىرىسى ءوتتى،.
سونداي-اق اۆياكومپانيانى دامىتۋ، ۇشۋ-ينجەنەرلىك قۇرامدى كادرلارمەن قامتاماسىز ەتۋ، اۆياپارك پەن جەرۇستى ينفراقۇرىلىمىن ءتيىمدى پايدالانۋ بويىنشا وزەكتى ماسەلەلەر تالقىلاندى.
ديرەكتورلار كەڭەسىنىڭ وتىرىسى شەڭبەرىندە ۇشۋ قاۋىپسىزدىگى، سىبايلاس جەمقورلىققا قارسى جانە سانكسيالىق زاڭنامانى ساقتاۋ، كاسىپورىننىڭ ازاماتتىق اۆياسيا سۋبەكتىسى رەتىندەگى قىزمەتىن قالىپقا كەلتىرۋ جونىندەگى شارالاردى كۇشەيتۋ قاجەتتىگى اتاپ ءوتىلدى.
وتىرىس قورىتىندىسى بويىنشا مينيستر ۇشۋ قاۋىپسىزدىگى دەڭگەيىنە قول جەتكىزۋگە جانە قويىلعان مىندەتتەردىڭ ورىندالۋىن جاقسارتۋعا باعىتتالعان نۇسقاۋلار بەردى.