ۇكىمەت ونى شەشۋ ءۇشىن جۇمىس ىستەپ جاتىر.
ۇلىبريتانيادا جانارماي بەكەتتەرىندە بەنزين تاپشىلىعى سەزىلۋدە. بريتانيا ۇكىمەتىنىڭ حابارلاۋىنشا ەلدە وتىن بار. الايدا ونى تاسىمالدايتىن جۇك كولىكتەرىن جۇرگىزەتىن جۇرگىزۋشىلەر جەتپەي جاتىر. سالدارىنان بەنزين جانارماي بەكەتتەرىنە ۋاقىتىلى جەتكىزىلمەيدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«بريتاندىقتاردا تاماق تا، وتىن دا بولاتىنداي جاعداي جاساۋ كەرەك. ۇكىمەت جاقىن ارادا بىزگە شەتەلدىك جۇرگىزۋشىلەردىڭ قاجەت ەكەنىن مويىنداۋ كەرەك ەدى»، - دەيدى اۆتوموبيل كولىگىمەن تاسىمالداۋشىلار قاۋىمداستىعىنىڭ مۇشەسى رود ماككەنزي.
كولىك ءمينيسترى گرانت شەپپس پروبلەمانىڭ بار ەكەنىن مويىندادى. ونىڭ ايتۋىنشا، ۇكىمەت ونى شەشۋ ءۇشىن جۇمىس ىستەپ جاتىر.
اۆتوموبيل كولىگىمەن تاسىمالداۋشىلار قاۋىمداستىعىنىڭ باعالاۋىنا سايكەس، كورولدىككە جۇك كولىگىن جۇرگىزەتىن 100 مىڭ جۇرگىزۋشى قاجەت. ەل بيلىگى شەتەلدىك جۇرگىزۋشىلەرگە جۇمىس ىستەۋگە ۋاقىتشا رۇقساتناما بەرۋدى جوسپارلاپ وتىرعانى حابارلاندى. بۇل تەك قانا وتىندى ەمەس، سونىمەن قاتار ازىق-تۇلىكتى ۋاقىتىلى جەتكىزىپ وتىرۋ ماسەلەسىن جاقسارتادى دەپ كۇتىلەدى.