استانادا ساياباقتاردىڭ بىرىندە ءىى ەليزاۆەتا اتىنداعى سكۆەردىڭ اشىلۋى كوزدەلگەن
سىرتقى ىستەر ءمينيسترىنىڭ رەسمي وكىلى ايبەك سمادياروۆ 17-18 ناۋرىزدا ۇلىبريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر دوستاستىق جانە دامۋ ءمينيسترى دجەيمس كليەۆەرليدىڭ قازاقستانعا ساپارى جوسپارلانعانىن ايتتى، دەپ حابارلايدى Almaty-akshamy.kz.
استانادا دجەيمس كليەۆەرلي پرەزيدەنت قاسىم-جومارت توقايەۆپەن جانە پرەمەر-مينيستر ءاليحان سمايىلوۆپەن كەزدەسەدى.
سونىمەن قاتار ساپار اياسىندا استانادا ءىى ەليزاۆەتا اتىنداعى سكۆەردىڭ اشىلۋى جوسپارلانعان.
"17-18 ناۋرىزدا ۇلىبريتانيا جانە سولتۇستىك يرلانديا قۇراما كورولدىگىنىڭ سىرتقى ىستەر دوستاستىق جانە دامۋ ءمينيسترى دجەيمس كليەۆەرليدىڭ قازاقستانعا ساپارى وتەدى. استانادا دجەيمس كليەۆەرلي پرەزيدەنت قاسىم-جومارت توقايەۆتىڭ جانە پرەمەر-مينيستر ءاليحان سمايىلوۆتىڭ قابىلداۋىناد بولادى. سونىمەن قاتار قازاقستان سىرتقى ساياسي ۆەدومستۆونىسىنڭ باسشىلىعىمەن كەلىسسوزدەرى ۇيىمداستىرىلادى. ساپار اياسىندا استانادا ساياباقتاردىڭ بىرىندە ءىى ەليزاۆەتا اتىنداعى سكۆەردىڭ اشىلۋى كوزدەلگەن"، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ.
سونىمەن بىرگە ساپار بارىسىندا ەكىجاقتى ىنتىماقتاستىق ماسەلەلەرى تالقىلانادى.
"ءبىز ۇلىبريتانيامەن ساياسي جانە ساۋدا-ەكونوميكالىق جانە ينۆەستيسيالىق، سونىڭ ىشىندە مادەني-گۋمانيتارلىق سالادا وتە تىعىز بايلانىستامىز. ءبىزدىڭ ەلدەن قانشاما ازامات سول جاقتا وقىپ جاتىر. بارلىق سۇراقتاردى تالقىلايمىز"، - دەدى ايبەك سمادياروۆ.