ەلىمىزدەگى كەدەيلىك دەڭگەيى باسىم وڭىرلەر بەلگىلى بولدى

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى

ۇلتتىق ستاتيستيكا بيۋروسىنىڭ مالىمەتىنشە، تابىسى ەڭ تومەنگى كۇنكورىس دەڭگەيىنەن تومەن حالىقتىڭ ۇلەسى 5% بولدى، ياعني 986 587 ادام، دەپ حابارلايدى Almaty-akshamy.kz.

كەدەيلەر سانى كوپ وڭىرلەر:
• تۇركىستان (8،5%)؛
• ماڭعىستاۋ (8،1%) وبلىستارىندا.
كەدەيلەر سانى از وڭىرلەر:
استانا قالاسى (2،1%)؛
ۇلىتاۋ وبلىسى (2،2%).
وڭىرلەر بويىنشا تابىسى ەڭ تومەنگى كۇنكورىس دەڭگەيىنىڭ شاماسىنان تومەن حالىقتىڭ ۇلەسى.

كەدەيلىك قاۋپىنە ءۇي شارۋاشىلىقتارىنىڭ كولەمى قاتتى اسەر ەتەدى. وسىلايشا، 5 جانە ودان دا كوپ ادامنان تۇراتىن ءۇي شارۋاشىلىقتارى اراسىنداعى كەدەيلىك دەڭگەيى 2022 جىلعى IV توقسانىنىڭ قورىتىندىسى بويىنشا 8،9% بولدى، بۇل جالپى كەدەيلىك دەڭگەيىنەن 2 ەسەگە جۋىق ارتىق.

كەدەيلىك دەڭگەيى تۇتىنۋعا پايدالانىلعان ەڭ تومەنگى كۇنكورىس دەڭگەيىنىڭ شاماسىنان تومەن تابىسى بار حالىق سانىنىڭ حالىقتىڭ جالپى سانىنا پايىزبەن ولشەنگەن قاتىناسى. ق ر بويىنشا 2022 جىلعى IV توقساندا ايىنا ورتا ەسەپپەن جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى 45 623 تەڭگە بولدى.