ريەۆاكسيناسيا حالىققا جاپپاي سالىنبايدى
ۇلىبريتانيا پرەمەر-مينيسترى ەل حالقىن COVID-19-عا قارسى ءۇشىنشى ەكپەنى جاساۋعا شاقىردى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆاك-قا سىلتەمە جاساپ.
قازىرگى ۋاقىتتا ۇلىبريتانيانىڭ 50 جاستان اسقان تۇرعىندارى، مەديسينا قىزمەتكەرلەرى، قارتتار ءۇيىنىڭ قىزمەتكەرلەرى جانە دەنساۋلىعى ناشار ادامدار ريەۆاكسيناسيادان ءوتۋ مۇمكىندىگىنە يە. بۋستەرلىك دوزا كەم دەگەندە التى اي بۇرىن ەكىنشى ۆاكسينانى العان ادامدار ءۇشىن عانا قول جەتىمدى.
ال، يتاليانىڭ دەنساۋلىق ساقتاۋ مينيسترلىگى رەسەي فەدەراسياسىنا تيەسىلى ءۇشىنشى ەلدەردەن كىرۋگە بەلگىلەنگەن شەكتەۋلەردى ۇزارتتى.
بۇل وكىم ەلگە كەلگەننەن كەيىن 10 كۇندىك كارانتيندى جانە كەلگەنگە دەيىن 72 ساعاتتان ەرتە تاپسىرىلماعان پتر-تەستتىڭ قاجەتتىلىگىن كوزدەيدى. ءۇشىنشى ەلدەردەن كىرۋگە شەكتەۋلەر 15 جەلتوقسانعا دەيىن ۇزارتىلدى.
بولگاريا پرەزيدەنتى كوۆيد سەرتيفيكاتتارىنىڭ ەنگىزىلۋىن قولدادى. بۇل شەشىم بولگاريانىڭ ءارتۇرلى قالالارىندا نارازىلىق اكسيالارىن تۋدىردى. "مەن حالىقتىڭ تەك 20%-ى ۆاكسينالانعان جاعدايدا قيىن قادام جاساعانىمىزدى بىلەمىن"، - دەدى رۋمەن راديەۆ ۇكىمەت مۇشەلەرىمەن شۇعىل جينالىستا.