قازاقستان پويىزى 2026 جىلعى 20-25 ناۋرىز ارالىعىندا “Jibek Joly” تۋريستىك پويىزىنىڭ قۇرامىندا ۇلى جىبەك جولى بويىمەن ساپارعا اتتانادى، دەپ حابارلايدى aqshamnews.kz
پويىز تاريحي باعىتتاعى ماڭىزدى قالالاردى قامتيدى: الماتى – تۇركىستان – سامارقاند – دۋشانبە – تاشكەنت – الماتى. وسىلايشا ورتالىق ازيانىڭ كونە رۋحاني ورتالىقتارى مەن زاماناۋي استانالارىن بايلانىستىرادى. جوبا حالىقارالىق تەمىرجول ءتۋريزمىن دامىتۋعا، مادەني بايلانىستاردى نىعايتۋعا جانە ءوڭىردىڭ تاريحي مۇراسىن كەڭىنەن ناسيحاتتاۋعا باعىتتالعان.
جولاۋشىلار قاۋىپسىزدىك، ەنەرگيا ۇنەمدەۋ جانە ەكولوگيالىق تالاپتارعا ساي زاماناۋي ستاندارتتارمەن جاسالعان ۆاگونداردا ساپار شەگەدى. تولىق جاڭارتىلعان ينتەرەر توزۋعا ءتوزىمدى ماتەريالداردان ورىندالعان. ۆاگوندار جايلى جارىقتاندىرۋمەن، ساپالى اكۋستيكامەن جانە ميكروكليمات جۇيەسىمەن جابدىقتالعان.
سالون-ترانسفورمەر تۇنگى ۇيىقتايتىن ورىنداردى كۇندىز ىڭعايلى ديۆانعا اينالدىرۋعا مۇمكىندىك بەرەدى. ءار جولاۋشىعا ارنالعان USB جانە 220 ۆ روزەتكالارى، Wi-Fi، كليمات-باقىلاۋ جانە بەينەباقىلاۋ جۇيەلەرى قاراستىرىلعان. باعىت تۋرالى اقپارات بەرەتىن ەلەكتروندى جۇگىرمە جولاق پەن اۋديوينفورماتور ورناتىلعان.
قالدىقتاردى جابىق جۇيەدە قايتا وڭدەيتىن جاڭا بۋىنداعى ەكولوگيالىق بيودارەتحانالار ءيىس ماسەلەسىن شەشىپ، پويىز ايالدامادا تۇرعان كەزدە دە دارەتحانانى پايدالانۋعا مۇمكىندىك بەرەدى. LED-جارىقتاندىرۋ مەن زاماناۋي جىلۋ وقشاۋلاۋ شەشىمدەرى ەكولوگيالىق جانە ەنەرگيانى ۇنەمدەۋدى قامتاماسىز ەتەدى.
ورتالىق كونديسيونەرلەۋ جۇيەسى جىلدىڭ كەز كەلگەن مەزگىلىندە جايلى تەمپەراتۋرانى ۇستاپ تۇرادى. ءورت ءسوندىرۋ جانە بەينەباقىلاۋ جۇيەلەرى جولاۋشىلاردىڭ قاۋىپسىزدىگىن ارتتىرادى. تەحنيكالىق جانە پايدالانۋ تۇرعىسىنداعى جاڭارتۋلار پويىزدىڭ ءبىرقالىپتى ءجۇرۋىن قامتاماسىز ەتىپ، وتىرعىزۋ جانە ءتۇسىرۋ ايماقتارى جارىقتاندىرىلعان پلاتفورمالارعا ىڭعايلى شىعۋدى كوزدەيدى.