Almaty-akshamy.kz سايتىندا جارىق كورگەن جاڭالىقتارعا شولۋ – كۇن كەرۋەنى
«ۇلى دالادان» بازارلىق
ەلىمىزدە تۇڭعىش رەت «ۇلى دالا ءدامى» ۇلتتىق جوباسى وتكىزىلدى.
«ۇلى دالا ءدامى» جوباسى اياسىندا ارنايى دايىندالعان «ناۋرىز قورجىندارى» – «سىباعا» جانە «تارتۋ» قورجىندارى بولىپ بولىنەدى. مەرەكەلىك كادە ەل اعاسى اقساقالدارعا، ءاز اجەلەرگە، كوپبالالى جانە ەرەكشە بالاسى بار انالارعا، سونداي-اق، بالالار ۇيىنە تارتۋ ەتىلدى.
جوبانىڭ باستاماشىسى – «Alatau-Aqparat» مەدياحولدينگىنىڭ باس ديرەكتورى ەرجان قالىمباي ۇلى: «نەگىزگى ماقساتىمىز — ءاز ناۋرىزدى اسىرەسە، بالالار اسىعا كۇتەتىن باستى مەرەكەگە اينالدىرۋ. ۇلىستىڭ ۇلى كۇنىن ايرىقشا اتاپ وتۋدە جاڭا قۇندىلىقتار مەن ءداستۇر قالىپتاستىرۋعا ءوز ۇلەسىمىزدى قوسقىمىز كەلەدى»، دەيدى.
الماتىلىق العىرلار
7-11 ناۋرىز ارالىعىندا الماتى قالاسىنىڭ وقۋشىلارى كيپردىڭ نيكوسيا قالاسىندا وتكەن «FIRST Tech Challenge Cyprus 2024» حالىقارالىق روبوتوتەحنيكا چەمپيوناتىنا قاتىسىپ، جەڭىمپاز اتاندى. تۋرنيرگە 18 جەرگىلىكتى جانە الەمنىڭ تۇكپىر-تۇكپىرىنەن 7 كوماندا قاتىستى. الماتىلىق «Sana team» كومانداسى «THINK AWARD» جانە «Winning Alliance AWARD» نوميناسيالارىن جەڭىپ، ءبىرىنشى ورىننان كورىندى.
14 ناۋرىز - حالىقارالىق وزەندەر كۇنى
حالىقارالىق وزەندەر كۇنى ۇلكەن جانە كىشى وزەندەردى قورعاۋ ويىنان تۋىنداعان. الەمدە «حالىقارالىق بوگەتتەرگە قارسى ءىس-قيمىل كۇنى» رەتىندە بەلگىلى، ول امەريكاندىق «حالىقارالىق وزەندەر جەلىسى» قوعامدىق ۇيىمىنىڭ باستاماسىمەن ەكولوگيالىق كۇندەر كۇنتىزبەسىندە پايدا بولدى.
توقايەۆتىڭ تازىسى – ناۋرىز
بۇل تازىنى بىلتىر مەملەكەت باسشىسىنا يت اسىراۋشى اننا زاحاروۆا سىيعا تارتقان بولاتىن. ءقازىر ناۋرىز 1 جاس 4 ايعا تولدى.
قاسىم-جومارت توقايەۆ بوس ۋاقىتىندا تازىمەن سەرۋەندەگەندى ۇناتادى.
كولىكتەردى تىركەۋ جۇيەسى جاڭارتىلادى
بۇگىندە جۇك كولىكتەرى مەن اۆتوبۋستاردى زاڭسىز ەسەپكە قويۋ فاكتىلەرى جيىلەپ كەتتى. قازاقستانداعى مامانداندىرىلعان حقكو-لاردا جۇك كولىكتەرىن، اۆتوبۋستاردى جانە باسقا دا كولىكتەردى ەسەپكە قويۋدىڭ زاڭدىلىعىن تەكسەرۋ شارالارى باستالدى.
رەسمي مالىمەتكە سايكەس، 2023 جىلدىڭ تامىز ايىنان بەرى 23 قىلمىستىق ءىس تىركەلدى. وسى ىستەر بويىنشا 3 مىڭعا جۋىق اۆتوكولىك زاڭسىز تىركەلگەن. ال مەملەكەتكە كەلگەن زالالدىڭ كولەمى 14 ملرد تەڭگەدەن استى.
بىتىمگەرشىلەردى شىعارىپ سالدى
الماتىداعى 28 گۆاردياشى-پانفيلوۆشىلار اتىنداعى ساياباقتا ق ر قارۋلى كۇشتەرىنىڭ بىتىمگەرلىك كونتينگەنتىن «بۇۇ-نىڭ گولان بيىكتىكتەرىندەگى ءبولىنۋدى باقىلاۋ جونىندەگى كۇشتەرى» ميسسياسىنا سالتاناتتى تۇردە شىعارىپ سالۋعا ارنالعان ءىس-شارا ءوتتى. الاڭعا قورعانىس مينيسترلىگىنىڭ باسشىلىعى، اسكەري قىزمەتشىلەردىڭ تۋعان-تۋىستارى مەن ارىپتەستەرى، پارلامەنت دەپۋتاتتارى، اتقارۋشى بيلىك ورگاندارى مەن ارداگەرلەر ۇيىمدارىنىڭ، «جاس-سارباز» اسكەري-پاتريوتتىق قوزعالىسىنىڭ وكىلدەرى جينالدى.
ياسساۋي كەسەنەسى – ادامزاتتىڭ اسىل مۇراسى
ۇكىمەت باسشىسى ولجاس بەكتەنوۆ قوجا احمەت ياسساۋي كەسەنەسىن ساقتاۋدىڭ ماڭىزدىلىعىنا توقتالدى.
قوجا احمەت ياسساۋي كەسەنەسى – تۇركىستاننىڭ ساۋلەت-تاريحي كەشەنىنىڭ ءبىرى، وعان جىل سايىن 1 ملن-نان استام ادام كەلىپ، زيارات ەتەدى.كەسەنەنىڭ ءتيىستى جاي-كۇيىن ساقتاۋ جونىندەگى جۇمىستار تابيعي جاعدايلاردىڭ اسەرىنە بايلانىستى جانە بىرەگەي ساۋلەت ەسكەرتكىشى مەن يۋنەسكو-نىڭ دۇنيەجۇزىلىك مۇرا نىسانىنىڭ ساقتالۋىن قامتاماسىز ەتۋگە باعىتتالعان.
قورقوردىڭ قورلىعى
قازاقستاندا كاليان شەگۋگە رۇقسات ەتكەن مەيرامحانالار مەن بارلاردىڭ يەلەرىنە سالىناتىن ايىپپۇل سوماسى ۇلعايادى.
"مەيرامحانالار مەن بارلاردا كاليان شەگەتىنىن ءبارىڭىز دە بىلەسىزدەر. بۇگىنگى زاڭناما تۇتىنۋشىنىڭ وزىنە عانا شارا قولدانۋ ماسەلەسىن رەتتەيدى، ءبىراق رەستوراتورلار مەن كاسىپكەرلەرگە قاتىستى نورما جوق. وسىعان بايلانىستى ءبىز جاۋاپكەرشىلىكتى كۇشەيتۋدى كوزدەپ وتىرمىز. ياعني ايىپپۇل مولشەرىن ۇلعايتۋ جانە رەستوراتورلار مەن كاسىپكەرلەرگە قاتىستى نورما قابىلداۋ تۋرالى ۇسىنىس ەنگىزدىك"، - دەدى دەنساۋلىق ساقتاۋ مينيسترلىگى مەديسينالىق كومەكتى ۇيىمداستىرۋ دەپارتامەنتى ديرەكتورىنىڭ ورىنباسارى گۇلنار سارسەنبايەۆا.