الماتى قالالىق كارديولوگيالىق ورتالىعىندا جۇرەككە حيرۋرگيالىق ارالاسۋدىڭ جاڭا وزىق تەحنولوگياسى - ءمينيينۆازيۆتى توراكوسكوپيالىق وتا جاسالاتىن بولدى.
بۇل سۇيەك قۇرىلىمىنا زاقىم كەلتىرمەستەن ومىرتقا ارالىق وتا جاساۋعا مۇمكىندىك بەرەتىن جۇرەك اۋرۋىن حيرۋرگيالىق ەمدەۋدىڭ ەڭ جاقسى ءادىسىنىڭ ءبىرى. اتالعان ءادىس اسقىنۋ ءقاۋپىن ايتارلىقتاي ازايتادى جانە پاسيەنتتەرگە قالپىنا كەلۋدىڭ ىڭعايلىلىعىن قامتاماسىز ەتەدى، دەپ حابارلايدى اlmaty-akshamy.kz.
بۇل حيرۋرگيالىق ارالاسۋدى ورىنداۋ كەزىندە قالالىق كارديولوگيالىق ورتالىقتا الەمدەگى جەتەكشى وندىرۋشىلەردىڭ ەڭ زاماناۋي جابدىعى قولدانىلادى.
"وسى يننوۆاسيالىق ءادىستى ەنگىزە وتىرىپ، ءبىز ەندى اتريۆەنتريكۋليارلىق كلاپانداردا (ميترالدى، اورتالىق) رەكونسترۋكتيۆتى، كلاپاندى ساقتايتىن وتانى، سونداي-اق كلاپانداردى پروتەزدەۋدى جاساي الامىز. بۇگىن ءبىز ميترالدى قاقپاقشانىڭ پرولاپسى بار 32 جاستاعى ناۋقاسقا وتا جاسادىق، وعان بەينەتوراكوسكوپيالىق قولداۋدىڭ كومەگىمەن ميترالدى قاقپاقشانىڭ ءمينيينۆازيۆتى پلاستيكاسى جاسالدى"، - دەپ ءبولىستى كارديوحيرۋرگيا بولىمشەسىنىڭ مەڭگەرۋشىسى نۇرجان مۇسىرەپوۆ.
وتا نوۆوسيبيرسك قالاسىنان كەلگەن تاجىريبەلى كارديوحيرۋرگ، م.ع.ك. الەكسەي پيۆكينمەن وتكىزىلگەن ماستەر كلاسس اياسىندا جۇرگىزىلدى.
الماتى قالالىق كارديولوگيالىق ورتالىعىنىڭ ديرەكتورى روزا قۋانىشبەكوۆانىڭ ايتۋىنشا، ورتالىقتا جىل سايىن جۇرەككە 500-گە جۋىق وتا جاسالادى.
"قالالىق كارديولوگيالىق ورتالىق ءمينيينۆازيۆتى توراكوسكوپيالىق وتانى بەلسەندى تۇردە ەنگىزىپ كەلەدى جانە وتا بارىسىن بارىنشا ارتتىرۋعا ۇمتىلادى. مينيمالدى ءينۆازيۆتى كارديوحيرۋرگيالىق وتا حيرۋرگياداعى ريەۆوليۋسيالىق سەرپىلىستىڭ ءبىر ءتۇرى. سەبەبى ول ءداستۇرلى وتاعا بالاما بولىپ تابىلادى.
بۇل ءتاسىل پاسيەنتتەردى جىلدام وڭالتۋدى قامتاماسىز ەتىپ قانا قويماي، سونىمەن قاتار كوسمەتيكالىق ناتيجە بەرەدى. مۇنداي وتادان وتكەن پاسيەنتتەردە قالپىنا كەلۋ ۋاقىتى ازايا تۇسەدى جانە وتادان كەيىنگى اسقىنۋ قاۋپىنە بايلانىستى قالىپتى ومىرگە تەزىرەك ورالادى، ويتكەنى كەۋدە مۇشەلەرىنە ءداستۇرلى ارالاسۋ ۇلكەن كەسۋدى، كەڭ قولجەتىمدىكتى قاجەت ەتەدى، بۇل پاسيەنت ءۇشىن اۋىر جاراقاتقا اكەلەدى. ءبىزدىڭ ماقساتىمىز - پاسيەنتتەرگە جۇرەك اۋرۋىن ەمدەۋدىڭ وزىق ادىسىنە قول جەتكىزۋدى قامتاماسىز ەتۋ جانە ولارعا مۇمكىندىگىنشە تەزىرەك تولىققاندى ومىرگە ورالۋعا كومەكتەسۋ"، - دەپ ءبولىستى روزا قۋانىشبەكوۆا.
الماتىدا قان اينالىمى جۇيەسىنىڭ اۋرۋلارى ءجيى كەزدەسەدى. الماتىداعى ءاربىر ءۇشىنشى تۇرعىن وسىنداي اۋرۋمەن اۋىرادى. سوندىقتان قالالىق كارديولوگيالىق ورتالىق الماتىلىق كارديوحيرۋرگتاردى ەمدەۋدىڭ جاڭا ادىسىنە ۇيرەتۋ ءۇشىن ماستەر كلاستار وتكىزۋ ارقىلى پاسيەنتتەردىڭ وسى ساناتىنا كومەك كورسەتۋ كەزىندە ەمدەۋدىڭ ەڭ زاماناۋي ادىستەرىن قولدانۋعا تىرىسادى.