وقۋ-اعارتۋ مينيسترلىگىنە قاراستى رەسپۋبليكالىق عىلىمي-پەداگوگيكالىق كىتاپحانانىڭ سايتىندا ەسىمدەرى ءبىلىم سالاسىنىڭ قالىپتاسۋ تاريحىندا التىن ارىپتەرمەن جازىلعان ۇستازدارعا: اباي قۇنانباي ۇلى، ىبىراي التىنسارين، احمەت بايتۇرسىن ۇلى، قانيپا بىتىبايەۆا، اياگۇل ميرازوۆا ت.ب. ارنالعان «ۇلى دالا اعارتۋشىلارى» ەلەكتروندى كىتاپحاناسى قۇرىلدى، دەپ حابارلايدى Almaty-akshamy.kz.
ەلەكتروندى كىتاپحانادا ۇلى تۇلعالاردىڭ ءومىرى مەن شىعارماشىلىعى، ەڭبەكتەرى، ماقالالارى مەن زەرتتەۋلەرى تۋرالى اقپارات الۋعا بولادى. بارلىعى 1000-نان استام ەڭبەك ۇسىنىلعان.
ەلەكتروندى كىتاپحانا جىل بويى جاڭا اقپاراتتارمەن تولىقتىرىلادى. الداعى ۋاقىتتا ەلەكتروندى كىتاپحانا ءبىلىم سالاسىنا ەڭبەگى سىڭگەن ۇستازدار ەڭبەگىمەن تولىعا بەرمەك.
قازىرگى تاڭدا ەلەكتروندى كىتاپحانانى پايدالانۋشىلار سانى 12 مىڭعا جۋىقتادى.