ءار جىلدىڭ وزىندىك ەرەكشەلىگى، جاڭالىعى، وزگەرىستەرى بولادى.
الداعى 2024 جىلعا ارناپ نۋمەرولوگيالىق بولجامدى Almaty-akshamy.kz Ernur.kz سايتىنا سىلتەمە جاساي وتىرىپ نازارلارىڭىزعا ۇسىنادى.
ءبىراق ول ءۇشىن الدىمەن جىلدىڭ وزىڭىزگە ارنالعان جەكە سانىن ءبىلۋ كەرەك. جىلدىڭ جەكە سانىن ءبىلۋ ءۇشىن قاراپايىم ەسەپ جاسايمىز. ول ءۇشىن الدىمەن جىل سانىن شىعارىپ الامىز: 2+0+2+4=8
ەكىنشى كەزەكتە تۋعان كۇن، اي، جىلىڭىزدىڭ ساندارىن جەكە-جەكە قوسىپ الاسىز. ەكى تاڭبالى ءمان شىقسا، تاعى دا بىر-بىرىنە قوسىپ، ءبىر تاڭبالى ءمانىن الۋ كەرەك. ماسەلەن، 1990 جىلدىڭ 29 جەلتوقسانىندا دۇنيەگە كەلسەڭىز: 2+9=11، 1+1=2 1+2=3 1+9+9+0=19، 1+9=10، 1+0=1
ءۇشىنشى كەزەكتە وسى ءۇش ەسەپتەن شىققان سانداردى بىر-بىرىنە قوسامىز. بۇل جولى دا ەكى تاڭبالى سان شىقسا، قايتا بىر-بىرىنە قوسۋ ارقىلى ءبىر تاڭبالى ءمان شىعارامىز. 2+3+1=6
سوڭعى ەتاپتا وسى شىققان ءماندى ءبىرىنشى ەسەپتەگى جىل سانىمەن قوسۋ كەرەك. 11 جانە 22 ساندارى شىققان جاعدايدا عانا سول كۇيى قالدىرامىز، باسقا ەكى تاڭبالى ساندار شىقسا، بىر-بىرىنە قوسۋ ارقىلى ءبىر تاڭبالى سان شىعارۋدى قايتالايمىز. 8+6=14، 1+4=5
ناتيجەسىندە، وسى مىسالداعى تۋعان كۇن يەسىنىڭ 2024 جىلداعى جىل سانى – 5 بولىپ تۇر. تۋرا وسىلاي ءوز ەسەبىڭىزدى جاساپ الساڭىز، ءوز جەكە سانىڭىزعا سايكەس مانمەن تانىسۋعا دايىنسىز دەگەن ءسوز.
1 – كوشباسشىلىق جىلى وسى جىلى جاڭاشىلدىقتار ينيساتورى بولاسىز. ومىرىڭىزدە كوپ وزگەرىستەر مەن جاقسى جاڭالىقتار ورىن الادى. ءوزىڭىزدى دامىتۋعا، ءومىرىڭىزدى ساپالى ەتە تۇسۋگە ۇلكەن مۇمكىندىكتەر الاسىز. ويىڭىزدا جۇرگەن بارلىق باستامالارعا باتىل تۇردە كىرىسىڭىز. كەيبىر باستاعان ءىسىڭىز ۇزاققا سوزىلىپ، ناتيجەسى كوپ كۇتتىرۋى مۇمكىن، الايدا، كوڭىل قۋانتارلىقتاي بولاتىنى انىق.
2 – سەرىكتەستىك جىلى بۇل جىل سىزگە «جالعىزدىڭ ءۇنى شىقپاس» دەگەندى ەسكەرتكىسى كەلەدى. سايكەسىنشە، قىزمەتتە، كاسىپتە سەرىكتەستىكتەردى، جەكە ومىردە ادامدارمەن جاقىن ارالاسۋدى تالاپ ەتەدى. سوندىقتان، ارىپتەستەرمەن تاتۋ، جاڭا تانىستىقتارعا اشىق، جاناشىرلارىڭىزبەن بىرگە بولىڭىز. 2024 جىلدا باسىڭىزعا جوعارى ورلەۋ مەن تومەن قۇلديلاۋ بىرنەشە رەت تۇسەتىندىكتەن، ءىش پىستىرارلىقتاي بولمايدى.
3 – ديپلوماتيا جىلى 2024 جىل – ءسىز ءۇشىن قوعاممەن قارىم-قاتىناس، الەۋمەتتىك كوممۋنيكاسيا باستى ءرول اتقاراتىن ۋاقىت. ەكى جىل بۇرىن تانىسىپ قالعان كەيبىر جاندار قايتا الدىڭىزدان شىعادى. جوسپارلارىڭىزدى جۇزەگە اسىرۋعا كوپتەگەن مۇمكىندىكتەر بەرىلەدى. جەكە ومىرىڭىزدە شەشىلمەي جۇرگەن ماسەلەلەرمەن بەتپە-بەت كەلەسىز، ەندى ولاردان ەشقايدا قاشقاقتاي المايسىز، ءبىرجاقتى ەتۋگە تىرىسىڭىز. تالانتىڭىز بەن باسقا دا قىرلارىڭىزدى اشۋعا تالپىنىڭىز، ويتكەنى ءدال وسى جىلى شىعارماشىلىقتا جەتىستىككە جەتۋگە مۇمكىندىگىڭىز كوبىەك.
4 – قاجىرلى ەڭبەك جىلى ءومىرىڭىزدىڭ بارلىق سالالارىنا مىقتى ىرگەتاس قالاۋعا وسى جىلى مۇمكىندىك كوپ. سوندىقتان، ۇساق-تۇيەككە ءمان بەرمەي، اۋقىمدى ماسەلەلەردى قامتۋعا، ۇلكەن جوبالاردى قولعا الۋعا تىرىسىڭىز. ءسىز اتقاراۋعا ءتيىس بىرنەشە جۇمىس بار، بەلدى بۋىپ، جەڭدى ءتۇرىپ كىرىسىڭىز. وسىنىڭ بارىمەن قاتار دەنساۋلىعىڭىز جايلى دا ۇمىتپاي، وزىڭىزگە قامقورلىق جاساڭىز. دۇرىس تاماقتانىڭىز، جاتتىعۋ جاساڭىز جانە كوپ دەمالىڭىز.
5 – وزگەرىستەر جىلى وسى جىلى ءسىزدىڭ ورتاڭىز وزگەرۋى مۇمكىن. باسقا ۇيگە، ءتىپتى باسقا ەلدىمەكەن، وزگە قالاعا كوشۋىڭىز ىقتيمال. سوڭعى بىرنەشە جىلدا باستاعان جوبالارىڭىزعا كوز جۇگىرتىڭىز. ەگەر ولاردا ءبارى جاقسى بولماسا، قاي جەردەن قاتە كەتكەنىڭىزدى ىزدەڭىز، تاۋىپ، تۇزەڭىز. دايىن ءجۇرىڭىز، كۇتپەگەن وقيعالار دا كوپ بولادى.
6 – جاۋاپكەرشىلىك جىلى ىسكەرلىك، رومانتيكالىق جانە وتباسىلىق قارىم-قاتىناستا وڭ وزگەرىستەر ورىن الادى. ءبىر قاراعاندا ەڭ جامان جاعداي بولىپ كورىنگەننىڭ ءوزى، اقىر سوڭىندا ءسىز ءۇشىن جاقسى بولاتىنىن ۇمىتپاعايسىز. ءوزىڭىزدىڭ بارلىق ارەكەتتەرىڭىزگە، سوزىڭىزگە جاۋاپكەرشىلىك ارقالاۋعا دايىن بولىڭىز. اسىرەسە، وتباسى الدىنداعى جاۋاپكەرشىلىككە مۇقيات بولىڭىز. كەيىن جاۋاپ بەرە المايتىنداي ىس-ارەكەت، اڭگىمەگە بارماڭىز. سەبەبى، ءبارىنىڭ ەسەبى جىل سوڭىنا دەيىن-اق سۇرالادى.
7 – وزىڭمەن تانىسۋ جىلى 2024 جىل – سوڭعى التى جىلدا بولعان وقيعالاردى ەسكە تۇسىرەتىن ۋاقىت. ءوزىڭىز وزگەرتە المايتىن نارسەلەر تۋرالى كوپ ۋايىمداماي، وزگەرتە الاتىن تۇستاردى قولعا الاتىن كەزەڭ. وڭاشادا وز-وزىڭىزبەن قالۋعا كوبىرەك مۇمكىندىك الىڭىز. سەبەبى، ءوز ىشىڭىزدەگى رۋحاني دۇنيەڭىزدى ىزدەۋگە، تانىسۋعا ءتيىسسىز. جالعىزدىقتى سەزىنبەستەن جالعىز قالۋدىڭ قۇپياسىن تابۋىڭىز كەرەك.
8 – جەتىستىك جىلى 2024 جىل ىسكەرلىك جانە قارجىلىق وپەراسيالار جىلى بولادى. ىسكەرلىك قارىم-قاتىناستاردا تابىسقا جەتۋ مۇمكىندىگى مول بولسا دا، ۇلكەن كولەمدە اقشا جوعالتۋىڭىز ىقتيمال ەكەنىن ەستە ساقتاڭىز. بيىل ءونىم جىلى، سوڭعى جەتى جىلدا نە ەكسەڭ، سونى ورىپ الاسىڭ. جىل بويى سەرگەك بولىڭىز، جاقسى مۇمكىندىكتەر كەلەدى، جىبەرىپ الماڭىز. بۇل كەز كەلگەن نارسەنى، سونىڭ ىشىندە جىلجىمايتىن مۇلىكتى ساتىپ الۋعا جانە ساتۋعا جاقسى ۋاقىت بولۋى مۇمكىن.
9 – پارىزدى ورىنداۋ جىلى وسى جىلى ومىرىڭىزدە قاجەت ەمەس كەز كەلگەن نارسەدەن، ادامنان نەمەسە جاعدايدان ارىلىپ، جاڭا باستامالارعا دايىن بولۋىڭىز كەرەك. سەبەبى ءسىز ءۇشىن ىڭعايلى ەمەس، پايداسىز جاعدايلار مەن قارىم-قاتىناستار كوبەيگەن. قارىم-قاتىناستاعى كەز كەلگەن ماسەلەلەردى شەشۋ كەرەك، ايتپەسە ودان ارى ۇلعايىپ كەتەدى. كەيىنگە قالدىرعان جوبالارىڭىز بولسا، اياقتاۋ ماڭىزدى.
11
2024 جىل الدىڭعىدان مۇلدەم وزگەشە بولادى. ىسكەرلىك ماسەلەلەردى شەشۋ ءۇشىن كوپ ۋاقىتىڭىزدى قۇربان ەتۋگە دايىن بولساڭىز، دۇرىس پايدا الۋ مۇمكىندىگىڭىز ارتادى. جەكە قارىم-قاتىناستا دا يكەمدى بولۋىڭىز كەرەك. قولىمنان كەلمەيدى-اۋ دەگەن ىستەرگە تاۋەكەل ەتپەڭىز، كۇشىڭىزدى ساقتاڭىز. قاڭتار - ءسىز ءۇشىن ءوزىڭىزدى كورسەتۋ ايى. اقپان – جىلدىڭ قالعان بولىگىنە بەرىك نەگىز قالاۋ ۋاقىتى. ناۋرىز وزگەرىستەر مەن توسىن سىيلار اكەلەدى. ساۋىردە وتباسىلىق ماسەلەلەر ءبىرىنشى ورىندا تۇرۋى ىقتيمال. مامىر جانە ماۋسىم ايلارىنداعى شىدامدىلىق ماتەريالدىق پايدا اكەلەدى. شىلدە مەن تامىز – وتپەلى ايلار، قىركۇيەكتە دە ءبىرقالىپتى تىنىشتىق. ال 2024 جىلدىڭ سوڭعى ءۇش ايى قارىم-قاتىناسقا، وزگەرىستەر ورناتۋعا ۇمتىلۋدى، قاجىرلى جۇمىستى قاجەت ەتەدى.
22
ارينە، ءتۇرلى سالاداعى جاۋاپكەرشىلىكتەرىڭىزدى اتقارۋدى ۇمىتپاۋ كەرەك. الايدا وسى جىلى وزىڭىزگە قامقورلىقتى باستى ورىنعا قويعانىڭىز دۇرىس. جاقسى نيەتتى دوستارىڭىز بەن وتباسىڭىزدىڭ اقىل-كەڭەستەرىن تىڭداڭىز. ءبىراق ەڭ ماىزدىسى – ءوز ىشكى داۋىسىڭىزدى تىڭداۋدى ۇمىتپاڭىز. 2024 جىل – ءسىز ءۇشىن شابىتتاندىراتىن جانە شىعارماشىلىق كەزەڭ، ارماندارىڭىز ورىندالاتىن ۋاقىت. قاڭتاردا كەيبىر قيىندىقتار تۋۋى مۇمكىن، ءبىراق اقپان ايىنا قاراي مۇنداي جاعدايدىڭ باسىڭىزعا نەگە كەلگەنىن تۇسىنەسىز، ومىرلىك ساباق الاسىز. ناۋرىز – وتباسىنا قامقورلىق ايى. ساۋىردە جالعىز قالۋعا جانە ءومىردىڭ قۇپيالارىن زەرتتەۋگە ۋاقىت ءبولىڭىز. مامىردا سىزدە قوسىمشا اقشا پايدا بولادى، سونىمەن قاتار كۇتپەگەن شىعىندار دا ورىن الادى. ماۋسىم مەن شىلدە – بۇرىنعى جۇمىستاردى اياقتاپ، جاڭا باستامالاردى قولعا الاتىن ۋاقىت. تامىز جانە قىركۇيەك ايلارىندا بارلىق نارسەگە اشىق جانە قابىلداۋشى بولساڭىز، تۇسىنىك پەن جاڭا شابىت كەلەدى. 2024 جىلدىڭ سوڭعى ءۇش ايى ىسكەرلىك، ۇتقىرلىق تانىتۋدى جانە قارىم-قاتىناس ماسەلەلەرىن شەشۋدى تالاپ ەتەدى.