ۇلتتىق ۇلاننىڭ اسكەري قىزمەتشىسى الەم چەمپيوناتىنىڭ جۇلدەگەرى اتاندى

22-30 شىلدە ارالىعىندا ميلاندا سەمسەرلەسۋدەن الەم چەمپيوناتى ءوتتى.

155 ەلدەن كەلگەن مىڭنان استام سپورتشى يتاليا استاناسىندا سىنعا ءتۇستى، دەپ حابارلايدى Almaty-akshamy.kz Polisia.kz-كە سىلتەمە جاساپ.

قازاقستان رەسپۋبليكاسى ۇلتتىق ۇلانىنىڭ سپورت كومانداسىنىڭ سپورت نۇسقاۋشىسى ەفرەيتور رۋسلان قۇربانوۆ سەمسەرلەسۋ بويىنشا قولا جۇلدەگە يە بولدى. ەفرەيتور قۇربانوۆ شيرەك فينالدا سايىس قوجايىنى ۆالەريو كۋومودان 15:12 ەسەبىمەن باسىم ءتۇستى. وكىنىشكە وراي، فينالعا شىعۋ ءۇشىن وتكەن جەكپە-جەكتە قازاقستاندىق سپورتشى ۆەنگريا ەلىنىڭ وكىلى توماش كوحتان 11:15 ەسەبىمەن جەڭىلىپ قالدى. سوعان قاراماستان ول الەم بىرىنشىلىگىنىڭ جۇلدەسىن جەڭىپ العان ەلىمىزدىڭ العاشقى وكىلى اتاندى.

«مۇنى سوزبەن ايتىپ جەتكىزە المايمىن. بۇعان ءالى دە سەنە الار ەمەسپىن. مەن بۇل سپورتپەن 20 جىلدان بەرى شۇعىلدانامىن. الدىڭعى ەكى الەم چەمپيوناتىندا مەدال يەلەنۋگە ءبىر قادام جەتپەي قالىپ ەدىم. مىنە، اقىرى قولا جۇلدە يەلەندىم. بۇل مەن ءۇشىن عانا ەمەس، بۇكىل ەل ءۇشىن العاشقى مەدال بولعانى مەنى ەكى ەسە قۋانىشقا بولەدى»، – دەدى اسەرىمەن بولىسكەن ۇلاندىق.