الماتى وبلىسىنداعى جەكەمەنشىك بالالار لاگەرىنە تەكسەرىس باستالدى.
تەگىن لاگەرگە بارعان وقۋشىلاردىڭ اتا-انالارى الەۋمەتتىك جەلىگە شاعىمدارىن جاريالاعان ەدى. ولار ورتالىقتا سانيتارلىق تالاپ ساقتالماعان، بولمەلەرى لاس. ءتىپتى بىرنەشە ءجاسوسپىرىم ءبىر توسەككە سىعىلىسىپ ۇيىقتاۋعا ءماجبۇر دەدى. وسىدان سوڭ ءبىزدىڭ ءتۇسىرۋ توبىمىز اتالعان لاگەرگە بارىپ، جاعدايدى كوزبەن كورىپ قايتتى، دەپ حابارلايدى Almaty-akshasmy.kz.
قونايەۆ قالاسىنىڭ جاعالاۋىندا ورنالاسقان دەمالىس ورنىندا ءقازىر جەتىسۋ وبلىسىنان كەلگەن وقۋشىلار دەمالۋدا. وقۋ-اعارتۋ مينيسترلىگى ورتالىقتا بالالاردىڭ قاۋىپسىزدىگى قانشالىقتى ساقتالعانىن تەكسەرمەك. بۇعان دەيىن قالانىڭ ءبىلىم ءبولىمى جەكەمەنشىك لاگەرگە مونيتورينگ جۇرگىزگەن. ولار بارلىق سانيتارلىق تالاپتار ساقتالعان، جۇمىس ىستەۋگە رۇقساتى بار دەگەن قورىتىندى جاساعان. وقيعا ورنىندا ءقازىر پروكۋراتۋرا وكىلدەرى كەلىپ، تەكسەرۋ جۇرگىزىپ جاتىر.
«ءبىز ورتالىقتا تازالىق جۇمىستارىن كۇندەلىكتى جۇرگىزىپ تۇرامىز. 66 توسەك ورىن بار. بولمە ءىشىن، كورپە-جاستىقتارىن ءجيى جۋامىز. عيماراتتىڭ سىرتى جۇپىنى بولعانىمەن ءبىز ءۇشىن سانيتارلىق تالاپ اسا ماڭىزدى. الەم جەلىدە تاراپ كەتكەن اقپارات شىندىققا جاناسپايدى. بىزگە ءبىر بالا ءۇشىن ۇكىمەت 3900 تەڭگە تولەپ وتىر. بۇل قارجىعا بۇدان ارتىق ەشنارسە ىستەي المايمىز»، - دەيدى بالالار لاگەرىنىڭ مەڭگەرۋشىسى نينا پاتاساوۆا.