ۇلتتىق ۇلان جاۋىنگەرلەرى ءبىر تاۋلىكتە ءۇش ەسىرتكى تاراتۋشىنى ۇستادى

استانادا ق ر ءىىم ۇلتتىق ۇلانىنىڭ جاۋىنگەرلەرى قىزمەت بارىسىندا ەسىرتكى جاسىرۋشىلاردى قولعا ءتۇسىردى، – دەپ حابارلايدى aqshamnews.kz. 

العاشقى دەرەك 18 قازاندا ساعات 19:50 شاماسىندا بولدى. ەسىل اۋدانىندا قوعامدىق ءتارتىپتى قاداعالاۋ كەزىندە اسكەري جاساق اعاشتىڭ تۇبىندە ءبىر زاتتى جاسىرىپ جاتقان ازاماتتى بايقادى.

جاساق باستىعى سايىسكەلدى سايلاۋ ۇلى جانە قاتارداعى جاۋىنگەرلەر تەمىرلان اعانكەلدييەۆ پەن ەلامان ءابۇيىر دەرەۋ ءمىن-جايدى انىقتاۋعا كىرىستى.

 – كۇدىكتىنىڭ اعاش اراسىنا بەلگىسىز زاتتارى بار بۋمالار جاسىرعانى انىقتالدى. ءبىز ونى ۇستاعان سوڭ، سول اۋماققا قوسىمشا تەكسەرۋ جۇرگىزدىك، – دەيدى اسكەري جاساق باستىعى.

ۇستالعان ەر ادام پوليسيانىڭ ۋچاسكەلىك پۋنكتىنە جەتكىزىلدى. تەرگەۋ جەدەل توبى كۇدىكتىنىڭ جەكە زاتتارىن ءتىنتۋ كەزىندە وزىنە ءتان ءيىسى بار زات سالىنعان 64 بۋمانى تاركىلەدى. ەكىنشى وقيعا ەسىل اۋدانى كوشەلەرىنىڭ بىرىندە بولدى.

اسكەري جاساق باستىعى ەركەبۇلان پارىمبەكوۆ جانە ءپاترۋلشى جاۋىنگەرلەر بەكنۇر اياشيەۆ پەن ءقۇربانالى ناۋرىزباي ماريحۋاناسى بار بايلام تاۋىپ، ءىس كەسۋ ناتيجەسىندە تاعى ەكى ەسىرتكى كۋرەرىن ۇستادى. وقيعا ورنىنا پوليسيا قىزمەتكەرلەرى شاقىرىلدى.