ءتورت بوكسشىمىز فينالعا ءوتتى
تاشكەنتتە ەرلەر اراسىندا ءوتىپ جاتقان بوكستان الەم چەمپيوناتىندا ۇلتتىق قۇراما كاپيتانى اسلانبەك شىمبەرگەنوۆ فينالعا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ازيا چەمپيونى اسلانبەك شىمبەرگەنوۆ 71 كەلىگە دەيىنگى سالماقتا ءۇندىستاندىق ديەۆ نيشانتپەن رينگكە شىقتى.
ءبىرىنشى راۋندتا بەس تورەشىنىڭ ۇشەۋى قازاقستاندىق بوكسشىعا باسىمدىقتى بەردى. ەكىنشى كەزەڭدە ەشتەڭە وزگەرگەن جوق. اقىرى ول ۇپاي سانىمەن جەڭىسكە جەتتى.
بۇگىن ەندى قازاقستاننان نۇربەك ورالباي فينالعا شىعۋ ءۇشىن تالاسادى.
ەسكە سالا كەتەيىك، بۇدان بۇرىن قازاقستاندىق بەس بوكسشىنىڭ الەم چەمپيوناتىنىڭ فينالىنا شىعۋ ءۇشىن تالاساتىنىن جازعان بولاتىنبىز.
سونداي-اق قازاقستان قۇراماسىنان العاشقى بولىپ سانجار تاشكەنباي الەم چەمپيوناتىنىڭ فينالىنا شىقتى.
سونىمەن بىرگە ماحمۇد سابىرحان مەن دۋلات بەكباۋوۆ تا - فينالدا.