قىتايدىڭ CCTV تەلەارناسىنىڭ Leaders Talk باعدارلاماسىنا بەرگەن سۇقباتىندا مەملەكەت باسشىسى قاسىم-جومارت توقايەۆ وسىلاي دەدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
"جۇڭگو قازاقستاننىڭ سىرتقى ساياساتىندا وتە ماڭىزدى ءرول اتقارادى. 2019 جىلى مەن قىتايدا مەملەكەتتىك ساپارمەن بولىپ، قحر ءتوراعاسى سي سزينپينمەن كەلىسسوزدەر جۇرگىزدىم. ءبىز حالىقتارىمىزدىڭ بىرلىگىن قامتاماسىز ەتەتىن ءوزارا ءتيىمدى ساياساتتى ۇستانۋعا كەلىستىك. بۇل دەگەنىمىز ستراتەگيالىق سەرىكتەستىكتىڭ مىقتىلىعىن بىلدىرەدى. ول - ەكى ەل اراسىنداعى ماڭگىلىك دوستىقتىڭ كەپىلى. بۇل - قازاقستان حالقىنىڭ ۇزاقمەرزىمدى مۇددەسى"، - دەدى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ.
پرەزيدەنت وسىنداي ساياساتتى ۇستانۋدا قازاقستاننىڭ قىتايدىڭ ستراتەگيالىق سەرىكتەسى بولۋىنا ەشقاشان كۇمانمەن قاراماعانىن جەتكىزدى.
"بۇل ەلدىڭ پرەزيدەنتى رەتىندە اراداعى دوستىعىمىز بەرىك نەگىزگە يە بولىپ، ساياسي جانە ەكونوميكالىق جاعىنان ءوزارا تيىمدىلىكتى قامتاماسىز ەتەدى دەپ سەنەمىن"، - دەدى پرەزيدەنت.