ق ر ۇلتتىق بانكى 2030 جىلعا دەيىن ۇلتتىق قوردىڭ اكتيۆتەرىن باسقارۋ جونىندەگى تۇجىرىمدامانى دايىندادى.
جوبا «اشىق» نقا پورتالىندا جاريالاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۇلتتىق بانك دەرەگىنشە، تۇجىرىمداما ينۆەستيسيالىق ساياساتتى، ۇلتتىق قورداعى اكتيۆتەردى باسقارۋدىڭ نەگىزگى قاعيدالارى مەن تاسىلدەرىن ايقىندايدى.
«تۇجىرىمدامادا اكتيۆتەردى ستراتەگيالىق اللوكاسيالاۋدى جۇزەگە اسىرۋ ءۇشىن قاجەتتى ۇلتتىق قور قاراجاتىن ۇزاقمەرزىمدى ينۆەستيسيالاۋ قاعيداتى بەلگىلەنگەن. بۇل تاۋەكەلدى جانە قورعانىس اكتيۆتەر كلاسىن قۇرامداستىرىپ قولدانۋعا مۇمكىندىك بەرەدى.
ۇلتتىق قورداعى جيناق پورتفەلىنىڭ ۇلەسى كەلەسىدەي بولىنەدى: 60% - وبليگاسيالار، 30% - اكسيالار، 5% دەيىن بالاما قۇرالدار جانە 5% دەيىن - التىن.
جاڭاشا ءبولۋ وبليگاسيالار پورتفەلىن دامىعان ەلدەردىڭ مەملەكەتتىك وبليگاسيالارىنا، كورپوراتيۆتىك وبليگاسيالارعا جانە دامۋشى ەلدەردىڭ مەملەكەتتىك وبليگاسيالارىنا دا ءارتاراپتاندىرۋدى كوزدەيدى»، - دەپ جازىلعان قۇجاتتا.
سونىمەن قاتار بەكىتىلۋى مۇمكىن تۇجىرىمداما ينۆەستيسيالىق پروسەستىڭ نەگىزى بولماق. بۇعان قوسا، ول ۇلتتىق قورداعى اكتيۆتەردى باسقارۋ تيىمدىلىگىنىڭ كورسەتكىشتەرىن انىقتايدى.
«تۇجىرىمدامانىڭ ماقساتى – قازاقستان ۇلتتىق بانكىنىڭ ۇزاقمەرزىمدى ينستيتۋسيونالدىق ينۆەستور رەتىندەگى مارتەبەسىن راستاۋ ءۇشىن قاجەتتى ىرگەتاستى نىعايتۋ جانە نەگىزدەردى بەكىتۋ. تۇجىرىمدامانى ىسكە اسىرۋ، ياعني، وندا بەلگىلەنگەن شەكتەۋلەردى، قاعيداتتار مەن تاسىلدەردى ساقتاۋ 2030 جىلعا قاراي 100 ملرد دوللار جيناقتاۋعا جانە «ۇلتتىق قور – بالالارعا» باعدارلاماسىنىڭ تابىستى جۇمىس ىستەۋىنە ىقپال ەتەدى»، - دەپ تۇسىندىرمە بەرىلگەن تۇجىرىمداماعا.
قۇجات نەگىزىندە ينۆەستيسيالىق پورتفەلدى ءارتاراپتاندىرۋ، قورعانىس ستراتەگياسى مەن ESG قولدانۋدىڭ باسىمدىقتارىن ايقىنداۋ مىندەتى قويىلعان. تيىسىنشە، اتالعان باعىتتار بويىنشا قولعا الىناتىن ىستەر ۇلتتىق قوردىڭ كىرىستىلىگىن ارتتىرادى.