قازاقستاندا تازا تەحنولوگيالار سالاسىنداعى يننوۆاسيالاردىڭ جاھاندىق باعدارلاماسى باستالدى

بۇل جوبا اياسىندا ەلدە جاسىل تەحنولوگيالار سالاسىندا بيزنەس اشىپ، جۇمىس ورىندارىن قۇرۋدى قولداۋ كوزدەلگەن.

ياعني، كونكۋرس جاريالانىپ، تازا تەحنولوگيالار باعىتىنداعى ستارتاپتار ىرىكتەلىپ الىنادى، دەپ حابارلايدى Almaty-akshamy.kz 24.kz-كە سىلتەمە جاساپ. 

كەيىن بۇل جوبالاردىڭ حالىقارالىق دەڭگەيگە دەيىن شىعارۋ ءۇشىن ءتيىستى جۇمىستار اتقارىلماق.

ايتا كەتۋ كەرەك، جاھاندىق ەكولوگيالىق قور بۇل ماقساتقا 1 ملن 400 مىڭ دوللار توڭىرەگىندە قارجى بولگەن. اتالعان اقشانىڭ بارلىعى 3 جىلدىڭ ىشىندە ستارتاپ جوبالاردىڭ الەمدىك دەڭگەيگە شىعۋىنا قولداۋ كورسەتۋ ءۇشىن جۇمسالاتىن بولادى. بۇل ارالىقتا 100-دەن استام جوبانى ىرىكتەپ الۋ جوسپارلانعان.

«اكسەلەراسيا دەيمىز، وقىتۋدان وتەتىن بولادى. ءبىراق وعان بارلىق ستارتاپتار وتە المايدى. ول ءۇشىن ارنايى كوكۋرستار ۇيىمداستىرىلادى. كونكۋرستارعا وزدەرىنىڭ جوبالارىن ۇسىنعان ستارتاپتار ىرىكتەۋ كەزەڭىنەن وتەتىن بولادى. ىرىكتەۋ 7 كەزەڭنەن تۇرادى. ونىڭ ىشىندە قالدىقتار، سۋ رەسۋرستارى، ەنرەگيا ۇنەمدەۋ، كليماتتىڭ وزگەرۋى سىندى باعىتتا جوبالارىن ۇسىنعان ستارتاپتار بولادى»، - دەدى حالىقارالىق جاسىل تەحنولوگيالار جانە ينۆەستيسيالىق جوبالار ورتالىعىنىڭ وكىلى ينديرا جۇماگەلدى.