"ۇلتتىق قور - بالالارعا" باعدارلاماسى بويىنشا بجزق-عا العاشقى نىسانالى تالاپتار (18 جاسقا دەيىنگى بالالارعا) ەسەپتەلىنىپ، نىسانالى جيناقتاۋ شوتتارىنا العاشقى نىسانالى جيناقتار (2024 جىلى 18 جاسقا تولاتىن بالالارعا) ءتۇستى.
2024 جىلدىڭ 1 قاڭتارىنان باستاپ باعدارلاماعا 2023 جىلدىڭ سوڭىنداعى جاعداي بويىنشا كامەلەتكە تولماعان، قازاقستان ازاماتى بولىپ ەسەپتەلەتىن بارلىق بالالار قاتىسۋشى رەتىندە تىركەلدى، دەپ حابارلايدى اlmaty-akshamy.kz.
باعدارلاماعا قاتىسۋشىلاردىڭ جالپى سانى - 6 919 131 بالا (قوسا العاندا، 01.01.2006ج. باستاپ 31.12.2023ج. دەيىن تۋىلعان بالالار). ونىڭ ىشىندە 304 815 قاتىسۋشى 2024 جىلى 18 جاسقا تولادى (قوسا العاندا، 01.01.2006ج. باستاپ 31.12.2006ج. دەيىن تۋىلعان بالالار).
ولاردىڭ بارلىعىنا وتكەن جىل ءۇشىن قازاقستاننىڭ ۇلتتىق قورىنان 100 اقش دوللارى جانە 52 سەنتى مولشەرىندە بىردەي سوما ەسەپتەلدى.
بۇل تەك العاشقى ەسەپتەۋلەر ەكەنىن ءتۇسىنۋ ماڭىزدى!!! جىل سايىن بۇل سوما ۇلتتىق قور اكتيۆتەرىنىڭ ءوسۋى جانە ينۆەستيسيالىق كىرىس الۋ ەسەبىنەن ۇلعايىپ وتىرادى. بۇدان بولەك، ەسەپتەلگەن قاراجات ۇلتتىق قوردىڭ ۆاليۋتالىق اكتيۆتەرىنىڭ قۇرامىندا ينۆەستيسيالانۋىن جالعاستىرادى جانە باعدارلاماعا قاتىسۋشى بالالارعا ولار 18 جاسقا تولعانعا دەيىن قوسىمشا ينۆەستيسيالىق كىرىس اكەلەدى.
18 جاسقا 2024 جىلى تولاتىن بالالارعا اتالعان سوما ولاردىڭ بجزق-دا اۆتوماتتى تۇردە اشىلعان نىسانالى جيناقتاۋ شوتتارىنا ءتۇستى. باعدارلامانىڭ بۇل قاتىسۋشىلارى وزدەرىنىڭ نىسانالى جيناقتارىن تۇرعىن ۇيگە نەمەسە ءبىلىم الۋعا كامەلەتكە تولعاننان كەيىن بىردەن پايدالانۋعا قۇقىلى بولادى.
نىسانالى تالاپتار – بۇل قازاقستان رەسپۋبليكاسى ۇكىمەتىنىڭ ەلىمىزدىڭ 18 جاسقا دەيىنگى ازاماتتارى بولىپ تابىلاتىن بالالارى الدىنداعى ۇلتتىق قوردا جىل سايىنعى ينۆەستيسيالىق كىرىستىڭ 50% ەسەبىنەن قالىپتاستىرىلاتىن مىندەتتەمەلەرى ەكەنىن ەستەرىڭىزگە سالامىز. ول سوڭعى 18 جىلدا (ەسەپتى جىلدىڭ الدىنداعى) ورتاشالانعان كىرىستىلىك مولشەرلەمەسى بويىنشا ەسەپتەلەدى. نىسانالى تالاپتار رەتىندە ەسكەرىلەتىن قاراجات بالا 18 جاسقا تولعانعا دەيىن ينۆەستيسيالانۋىن جالعاستىرادى جانە ولارعا جىل سايىن قوسىمشا ينۆەستيسيالىق كىرىس ەسەپتەلەتىن بولادى.
زاڭعا سايكەس، نىسانالى تالاپتاردى پايدالانۋ قۇقىعى بالا 18 جاسقا تولعاننان كەيىن عانا پايدا بولادى. بالا 18 جاسقا تولعان جىلى جيناقتالعان نىسانالى تالاپتار سوماسى بجزق-دا اشىلعان بالانىڭ نىسانالى جيناقتاۋ شوتىنا تۇرعىن ۇيگە نەمەسە ءبىلىم الۋعا پايدالانۋ ءۇشىن اۋدارىلادى.
بجزق-دا قازاقستان ازاماتتارى بولىپ تابىلاتىن جانە اعىمداعى جىلى 18 جاسقا تولاتىن بالالاردىڭ نىسانالى جيناقتاۋ شوتتارىندا جيناقتالعان اقشا نىسانالى جيناقتار دەپ اتالادى. وسى قاراجاتتى پايدالانۋ ءۇشىن باعدارلامانىڭ كامەلەتكە تولعان قاتىسۋشىسى نىسانالى جيناقتاردى بجزق-دان اقش دوللارىمەن اۋدارىلاتىن بانكتىك شوت اشىپ، ۋاكىلەتتى وپەراتورلارعا جۇگىنە الادى. بجزق-مەن كەلىسىم جاساسقان جانە "ۇلتتىق قور - بالالار" باعدارلاماسى بويىنشا جۇمىس ىستەيتىن ۋاكىلەتتى وپەراتورلاردىڭ ءتىزىمى enpf.kz سايتىندا ورنالاستىرىلعان.
بجزق "ۇلتتىق قور – بالالارعا" باعدارلاماسى بويىنشا بارلىق نىسانالى تالاپتار مەن نىسانالى جيناقتاردى (جيناقتالاتىن ينۆەستيسيالىق كىرىستى قوسا العاندا) اقش دوللارىمەن ەسەپكە الۋدى جۇزەگە اسىرادى، سونداي-اق، باعدارلاماعا قاتىسۋشىلار بويىنشا اقپارات بەرەدى.
بالانىڭ باعدارلاماعا قاتىسۋى تۋرالى جانە ەسەپتەلگەن نىسانالى تالاپتار تۋرالى اقپاراتتى كامەلەتكە تولماعان بالانىڭ اتا-اناسى (نەمەسە باسقا دا زاڭدى وكىلدەرى) ارنايى اشىلعان kids.enpf.kz سايتىندا (بالانىڭ جسن بويىنشا) تەكسەرە الادى. مۇندا ءسىز، سونداي-اق، باعدارلامانىڭ شارتتارىمەن، نۇسقاۋلىقپەن تانىسىپ، ءوزىڭىزدى قىزىقتىرعان ساۋالدارعا جاۋاپ الا الاسىز. اتا-انالار ءوز بالالارى بويىنشا ەسەپتەلگەن قارجى تۋرالى دەرەكتەردى egov.kz پورتالىنداعى جەكە كابينەتىندە تەكسەرە الادى.
ەلىمىزدىڭ جاسى، جىنىسى، وڭىرلەرى بولىنىسىندەگى ەسەپتەۋلەر بويىنشا ستاتيستيكالىق ەسەپتەر enpf.kz سايتىندا تۇراقتى تۇردە ورنالاستىرىلاتىن بولادى.
نىسانالى تالاپتارعا/نىسانالى جيناقتاۋعا قاتىسۋشىلاردىڭ جىنىسى مەن تۋعان جىلى بويىنشا سانى:
سۋرەت: enpf.kz
بجزق باعدارلاماعا قاتىسۋشى بالالاردىڭ تولىق ءتىزىمىن جىل سايىن "جەكە تۇلعالار" مەملەكەتتىك دەرەكقورىنان الىنعان رەسمي مالىمەتتەر نەگىزىندە قالىپتاستىراتىنىن بىلگەن ماڭىزدى. ەگەر بالا وسى دەرەكقورعا قوسىلعان بولسا، ول اۆتوماتتى تۇردە "ۇلتتىق قور – بالالارعا" باعدارلاماسىنىڭ قاتىسۋشىسى بولادى جانە وعان باعدارلاماعا قاتىسقان بارلىق جىلدار ىشىندە نىسانالى تالاپتار مەن ينۆەستيسيالىق كىرىس ەسەپتەلەتىنىنە كەپىلدىك بەرىلەدى.
ەگەر بالا قانداي دا ءبىر سەبەپتەرمەن "جەكە تۇلعالار" مەملەكەتتىك دەرەكقورىندا بولماسا جانە وسى سەبەپتى باعدارلاماعا قاتىسۋشىلاردىڭ تىزىمىنە ەنگىزىلمەگەن بولسا (ءبىراق ونىڭ قاتىسۋشى بولۋعا قۇقىعى بولسا)، وندا نىسانالى تالاپتار كەلەسى كۇنتىزبەلىك جىلى وتكىزىپ العان كەزەڭ (وتكىزىپ العان كەزەڭدەر) ءۇشىن تولىق كولەمدە (ينۆەستيسيالىق كىرىستى قوسا العاندا) ەسەپتەلەدى.
بۇل جاعدايدا بالالاردىڭ اتا-انالارىنا (زاڭدى وكىلدەرىنە) مىنا دەرەكتەردى تەكسەرۋگە كەڭەس بەرەمىز:
- بالادا جەكە باسىن كۋالاندىراتىن قۇجاتتىڭ بولۋى (تۋۋ تۋرالى كۋالىك، 16 جاستان باستاپ - قازاقستان رەسپۋبليكاسى ازاماتىنىڭ جەكە كۋالىگى)؛
- جەكە باسىن كۋالاندىراتىن قۇجاتتا دەرەكتەمەلەردىڭ بولۋى جانە ولاردىڭ دۇرىس كورسەتىلۋى: ت. ا. ءا.، تۋعان كۇنى، جسن، ازاماتتىعى؛
- egov.kz پورتالىنداعى جەكە كابينەتىندە بالالار تۋرالى مالىمەتتەردىڭ بولۋى، تىركەلۋى جانە دۇرىستىعى (وسى رەسۋرستا بالانىڭ اتا-اناسىنا بەكىتىلگەن بالانىڭ نىسانالى تالاپتارى بويىنشا ەگجەي-تەگجەيلى ءۇزىندى كوشىرمە ۇسىنىلادى).
ەگەر بالادا:
- جەكە باسىن كۋالاندىراتىن قۇجات، جسن جوق بولسا، تۇرعىلىقتى جەرى بويىنشا "ازاماتتارعا ارنالعان ۇكىمەت" مەملەكەتتىك كورپوراسياسىنا (حقكو) جۇگىنگەن ءجون؛
- ازاماتتىعى جوق، انىقتالماعان نەمەسە ول دۇرىس كورسەتىلمەگەن بولسا، وندا تۇرعىلىقتى جەرى بويىنشا كوشى-قون قىزمەتىنە جۇگىنۋ كەرەك.
"جەكە تۇلعالار" مەملەكەتتىك دەرەكقورىنا قاجەتتى تۇزەتۋلەر ەنگىزىلگەننەن كەيىن بالانىڭ نىسانالى تالاپتارى مەن ينۆەستيسيالىق كىرىسى وتكىزىپ العان كەزەڭدى ەسكەرە وتىرىپ، كەلەسى جىلى تولىق ەسەپتەلەتىن بولادى.