قازاقستانداعى 18 جاسقا تولماعان ءار بالاعا كەلەسى جىلدان باستاپ ۇلتتىق قوردان قاراجات ءبولىنىپ، ارنايى شوتتا دوللار تۇرىندە ساقتالاتىن بولادى.
ونى ەسەپشوتتان شەشىپ الۋ تەك كامەلەتتىك جاسقا تولعان سوڭ مۇمكىن بولماق، دەپ حابارلايدى Almaty-akshamy.kz
«ۇلتتىق بانك باسقارۋ ورگانى رەتىندە تيىمدىلىكتى ارتتىرۋ باعىتىندا ءتيىستى جۇمىستاردى جۇزەگە اسىرۋدا. بۇل قاراجات جاي جاتپايدى. كەلەسى جىلدان باستاپ ەسەپتەلەتىن بارلىق قاراجات ينۆەستيسيالانادى. سونداي-اق ولارعا ينۆەستيسيالىق كىرىس ءتۇسىپ، ولار دا دوللارمەن ساقتالىپ وتىرادى. بارلىق قاراجات ۇلتتىق قوردا ساقتالىپ، بالا 18 جاسقا تولعان سوڭ جەكە ەسەپشوتىنا اۋدارىلادى. ال بالا كامەلەت جاسقا تولعانعا دەيىن بۇل اقشا دوللار تۇرىندە ۇلتتىق قوردا ساقتالاتىن بولادى»، - دەپ ق ر قارجى ۆيسە-مينيسترى داۋرەن تەمىربەكوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتى بارىسىندا.
ءبىرىڭعاي جيناقتاۋشى زەينەتاقى قورىنىڭ باسقارما ءتوراعاسى جانات قۇرمانوۆ «ۇلتتىق قور – بالالارعا» جوباسى بويىنشا قازىرگى ۋاقىتتا «قازپوشتا»، «وتباسى بانكىمەن» قاتار ەكىنشى دەڭگەيلى بانكتەردىڭ دە قىزىعۋشىلىق تانىتىپ وتىرعاندارىن اتاپ ءوتتى.