شۆەسيانىڭ ۇلتتىق دەنساۋلىق ساقتاۋ جانە ءال-اۋقات كەڭەسىنىڭ باس ديرەكتورى وليۆيا ۆيزەل وسىلاي دەپ مالىمدەدى.
ونىڭ ايتۋىنشا، شۆەسيادا مەديسينالىق سانيتارلىق العاشقى كومەكتى قارجىلاندىرۋ كولەمى بار بولعانى 20 پايىزدى قۇرايدى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۇستا قازاقستاننان تاجىريبە الۋدى كوزدەپ وتىرمىز، دەيدى. بۇگىن استانادا دۇنيەجۇزىلىك دەنساۋلىق ساقتاۋ ۇيىمى ەۋروپالىق وڭىرلىك كوميتەتىنىڭ 73ء-شى وتىرىسى كەزەكتى جيىنىن وتكىزىپ جاتىر. سالا ساراپشىلارى دەنساۋلىق ساقتاۋ جۇيەسىنىڭ نەگىزگى ماسەلەلەرىن تالقىلادى. دارىگەرلەردىڭ قۇقىعى قورعاۋ، بىلىكتىلىگىن ارتتىرۋ، سالاعا سيفرلىق تەحنولوگيالاردى ەنگىزۋ سىندى ماسەلەلەرگە قاتىستى ءوز تاجىريبەلەرىمەن ءبولىستى. ايتا كەتۋ كەرەرلىگى، دەنساۋلىق ساقتاۋ مينيسترلىگى مەن ددۇ ەۋروپالىق بيۋروسى 2024-2025 جىلدارعا ارنالعان ەكى جىلدىق ىنتىماقتاستىقتى دامىتۋعا كەلىستى. ەۋروپالىق بيۋرو قازاقستاننىڭ دەنساۋلىق ساقتاۋ سالاسىن دامىتۋعا 1،8 ملن دوللار بولمەك. بۇل قاراجات مەديسينا قىزمەتكەرلەرىنىڭ الەۋەتىن ارتتىرۋ، انا مەن بالا، جاڭا تۋعان نارەستەلەر مەن جاسوسپىرىمدەردىڭ دەنساۋلىعىن ساقتاۋعا، ونكولوگيالىق جانە باسقا دا جۇقپالى ەمەس اۋرۋلارمەن كۇرەسكە باعىتتالماق.
«مەنى تاڭ قالدىرعانى مەديسينالىق سانيتارلىق العاشقى كومەك باعىتى بويىنشا قازاقستان كوپ ەلدەن ىلگەرى تۇر. العاشقى سانيتارلىق كومەك تۇرعىندارعا قولجەتىمدى بولۋ ءۇشىن ەڭ اۋەلى بىلىكتى كادرلار جاساقتاۋ ماڭىزدى. اۋرۋ-سىرقاۋدىڭ بەلگىلەرىن باستاپقى كەزەڭىندە انىقتاۋ جانە توسىن سىن-قاتەرلەرگە دەر كەزىندە نازار اۋدارۋ ءۇشىن الەۋەتتى ارتتىرا بەرۋ قاجەت. ماسەلەن ءبىز بۇل سالانى دامىتۋعا ەندى كوڭىل ءبولىپ جاتىرمىز. قازاقستاننان ۇيرەنەتىن نارسە كوپ ەكەن»،- دەيدى شۆەسيا ۇلتتىق دەنساۋلىق ساقتاۋ جانە ءال-اۋقات كەڭەسىنىڭ باس ديرەكتورى وليۆيا ۆيزەل.