ۇلتتىق قور بالالارعا جوباسىنىڭ ىسكە قوسىلعانى سول-اق ەكەن، Egov جۇيەسىندە كىنارات شىقتى، دەپ حابارلايدى اlmaty-akshamy.kz.
بۇعان دەيىن پورتالعا جەتكىنشەكتەردىڭ ءاتى-جونى اۆتوماتتى تۇردە كورسەتىلەدى، دەپ ەدى. الايدا وتباسىلاردىڭ دەرەكتەرىندە قاتەلىك كوپ. ءتىپتى بوتەن بالانىڭ ەسىمى تىركەلگەن جانۇيا دا كەزدەسەدى. البەتتە بۇل كوپشىلىكتىڭ الاڭداۋشىلىعىن تۋدىرىپ وتىر. IT ماماندار بولسا، اقشا بار جەردە قاشاندا ءقاۋىپ بولاتىنىن ەسكەرتەدى.
ايسۇلۋ 2 بالانىڭ اناسى. تۇڭعىشى - 7، كەنجەسى - 3 جاستا. ياعني ۇلتتىق قور بالالارعا جوباسىنا قاتىسى بار وتباسىلاردىڭ ءبىرى. باعدارلاما ءبىرىنشى قاڭتاردان باستاپ ىسكە قوسىلعانىن ەستىگەن سوڭ، جەتكىنشەكتەرىنىڭ ءاتى-جونىن Egov پورتالىنان تەكسەرگەن ەكەن.
"قىزىعى مەنىڭ ۇلكەن بالامنىڭ اتى ءجونى Egov-تا جوق بولىپ شىقتى. تەك ءبىر بالامدىكى تۇر. نەگە ولاي بولعانىن ءوزىم دە بىلمەيمىن. مۇنداي قاتەلىكتەر اقپاراتتىق جۇيەدە كوپ كەزدەسەدى. مىسالى دامۋمەد قوسىمشاسىندا مەنىڭ اتىما 2 ەمەس، 3 بالا جازىلعان. ياعني مەنىڭ قىزىم بار دەپ كورسەتىلگەن. ول قىز بالا كوكشەتاۋ تۇرعىنى ەكەن. ماعان كۇندەلىكتى ونىڭ قانداي ەم-دوم الىپ جۇرگەنى جايلى اقپارات كەلەدى. اتا-اناسى تەكسەرمەي مە دەپ تاڭعالامىن. ءوزىم قايدا بارىپ شاعىمدانۋ كەرەكتىگىن بىلمەيمىن"، - دەيدى 2 بالانىڭ اناسى ايسۇلۋ شاحمەتوۆا.
دەرەكتەردە قاتەلىكتەردىڭ بولىپ جاتقانىن ەلەكتروندى ۇكىمەت باسشىلىعى دا مويىنداپ وتىر. سوندىقتان Egov قوسىمشاسىنىڭ جاڭا نۇسقاسىن ورناتۋعا كەڭەس بەرەدى.
"سيفرلىق قۇجاتتار تۋرالى بولىمىنە كىرىپ، اقپاراتتى تەكسەرۋلەرىڭىزدى سۇرايمىز. ەگەر اقپارات جالعان نەمەسە بولماعان جاعدايدا تۋۋ تۋرالى اقپاراتتى وزەكتەندىرۋ قىزمەتىن پايدالانۋىڭىزعا بولادى. وندا قاجەت ماعلۇماتتاردى تولتىرىپ، تۋۋدى راستايتىن قۇجاتتى بەكىتۋىڭىز قاجەت. تاپسىرىس احاج ءبولىمىنىڭ قىزمەتكەرلەرىمەن 2-5 كۇن ارالىعىندا وڭدەلەتىن بولادى"، - دەيدى ەلەكتروندىق ۇكىمەت دەپارتامەنتىنىڭ ديرەكتورى ءادي ورازوۆ.
جالپى Egov-تا مۇنداي قاتەلىكتىڭ بولىپ تۇراتىنى جاسىرىن ەمەس. ماسەلەن ەلدى دۇرلىكتىرگەن 42 500 تەڭگەنى الۋعا ءوتىنىش بەرگەندە دە سەرۆەردىڭ اقپاراتتى وڭدەۋگە قاۋقارى جەتپەدى. سول كەزدە ۇكىمەت مۇنى كيبەر-شابۋىلمەن بايلانىستىرۋعا تىرىسىپ باقتى. ەندى ۇلتتىق قور جوباسى قوسىلدى. ءبىراق مۇندا دا كىنارات شىقتى. ءىت ماماندار سەرۆەردى جوندەۋگە نەمەسە سيفرلىق جۇيەنىڭ ءمىنسىز جۇمىس ىستەۋىنە ەشكىم مۇددەلى ەمەس، دەيدى. نەمەسە ادەيى كەدەرگى كەلتىرەتىن پايداكۇنەمدەر بولۋى مۇمكىن دەگەن دە جورامال بار.
"ۇلكەن اقشا بار جەردە ۇلكەن ءقاۋىپ بار. ەندى وسى ەڭ باستىسى اقشا ۇرلاماۋدىڭ باسى 100 پايىز سيفراۆيزاسيا. ال ءبىز ءقازىر 4 جىل بولدى 5-6 جىل بولدى ءالى كۇنگە دەيىن كورمەي كەلە جاتىرمىز. مىسالى سول سيفراۆيزاسيانى 2-3 ايدىڭ ىشىندە ەكىنشى دەڭگەيلى بانكتىڭ كومەگىمەن 100 پايىز ورىنداۋعا بولادى. ەرتەڭ كىم كەپىلدىك بەرەدى. سونىڭ ىشىندە مىسالعا ءولى ەمەس، ءتىرى ازاماتتار بار ما. ەشكىم ونى تەكسەرە المايدى ءقازىر. ال ونى ەرتەڭ ەشكىم تەكسەرمەسە، سول ازاماتتاردىڭ ەسپ-سى مەن سول اقشانى اۋدارىپ، ۇرلاۋ 100 پايىز گارانتيا. وتە كەرەمەت مۇمكىندىك"، - دەيدى حالىقارالىق IT مامانى ولجاس ابىشيەۆ.
ۇلتتىق قور بالالارعا تولەمنىڭ قوسىلعانى كەشە عانا ەدى. الدەن ولقىلىق شىعىپ، كوپشىلىككە كۇدىك ۇيالاتتى. "ەرتەڭ بالام 18-گە تولعاندا توقايەۆتىڭ باستاماسىمەن قۇرىلعان قوردان اقشا الادى" دەگەن وتباسىلاردىڭ سەنىمىنە سەلكەۋ ءتۇسىردى. جاۋاپتىلار بولسا، دەرەكتەردەن قاتە كەتسە دە، ءار بالا وزىنە تيەسىلىنى الادى دەپ سەندىرىپ وتىر.